Deterononm 12:28 - Labib An Kreol Seselwa

²⁸ Fer sir ou obei tou sa bann komannman ki mon ordonn ou ozordi. Konmsa, ou ava kapab viv ere, ou, avek ou bann zanfan pour touzour, akoz ou ava pe fer sa ki byen e drwat devan SENYER, ou Bondye.

Deterononm 12:28 ပူးပေါင်းရင်းမြစ်များ

2 Rwa 17:31

zabitan Ava ti fer Nibaz ek Tartak; zabitan Sefarvaim ti bril zot bann zanfan an sakrifis pour zot bondye Adramelek ek Anamelek, bann bondye Sefarvaim.

2 Kronik 7:17

Ou, si ou obei mwan fidelman parey ou papa David, si ou fer tou sa ki mon komann ou, si ou gard mon komannman ek mon bann regleman,

Nehemi 1:5

Mon ti dir, “SENYER, Bondye ki dan lesyel, Bondye gran e terib! Ou gard ou lalyans e ou fidel anver tou bann ki kontan ou e ki gard ou bann komannman.

Psonm 105:45

Konmsa, zot in kapab gard son bann komannman e obzerv son bann lalwa. Loue SENYER!

Egzod 34:11

Ou ava obzerv tou sa ki mon ordonn ou ozordi: Mon pou sas devan ou bann Amorit, bann Kananeen, bann Hitit, bann Perizit, bann Hivit ek bann Zebizit.

Eklezyas 8:12

En malfeter i kapab mal azir plis ki 100 fwa e viv lontan. Me mon konnen ki i annan boner pour sa ki annan respe pour Bondye.

Ezekyel 37:24

Mon serviter David pou vin zot lerwa; zot pou annan en sel berze pour zot tou. Zot ava swiv mon bann komannman, obzerv mon bann regleman e met zot an pratik.

Levitik 19:37

Ou ava gard tou mon bann regleman ek mon bann desizyon, e met zot an pratik. Mwan menm SENYER.

Levanzil dapre Zan 15:10

Si zot obei mon bann komannman, zot pou reste dan mon lanmour, parey mwan, mon'n obei komannman mon Papa e mon reste dan son lanmour.

Levanzil dapre Zan 15:14

Zot, zot mon bann zanmi, si zot obei mon komannman.

Levanzil dapre Zan 15:3

Lansennyman ki mon'n donn zot, in deza rann zot pir.

Deterononm 12:25

Pa manz disan, pour ki zot ava ere, ou, ek tou ou bann zanfan apre ou. Zot ava'n fer sa ki byen devan SENYER.

Deterononm 24:8

Fer atansyon! Dan ka en maladi ki parey lalep, obzerv byen tou regleman ki bann pret levit i donn ou, parey mon'n ordonn zot.

Deterononm 4:40

Gard son bann regleman ek son bann komannman ki mon pe donn ou ozordi pour ou boner e pour dibyen ou bann desandan. Konmsa, ou ava viv lontan dan pei ki SENYER, ou Bondye pe donn ou pour touzour.

Deterononm 5:33

Zot ava mars dan semen ki SENYER, zot Bondye in trase pour zot. Konmsa, zot ava reste vivan e viv lontan; zot ava ere dan pei ki zot pe al pran posesyon.