Deterononm 12:23 - Labib An Kreol Seselwa

²³ Selman, fer sir ou pa manz son disan, akoz disan i lavi e ou pa devre manz lavi avek lavyann.

Deterononm 12:23 ပူးပေါင်းရင်းမြစ်များ

Zenez 9:4

Me fo-dre pa ki zot manz lavyann avek son lavi, setadir, son disan.

Ezekyel 33:25

Alor, dir zot: La sa ki Senyer BONDYE i deklare: Zot manz lavyann avek son disan, zot ador zot bann zidol, zot fer krim, zot krwar zot pou kapab pran posesyon sa pei?

Levitik 17:10

Si en Izraelit oubyen en etranze ki pe reste parmi zot i manz disan nenport zannimo, mon pou tourn kont sa dimoun, e mon pou rezet li parmi son pep.

Levitik 17:11

Annefe, lavi en kreatir i dan son disan. Mon'n donn li pour zot fer rityel pardon lo lotel pour zot lavi. Se avek disan ki rityel pardon pese i ganny fer, akoz disan i lavi.

Levitik 19:26

Pa manz okenn lavyann avek son disan. Pa pratik mazik, ni devinen.

Levitik 7:26

Partou kot ou ava pe reste, ou pa devre manz okenn disan, ni disan zwazo, ni disan zannimo.

Matye 20:28

Dan sa menm fason, Fis-de-Lonm pa'n vini pour ganny servi, me pour servi e donn son lavi koman pri pour liber bokou dimoun.”

Akt de Zapot 15:20

Me annou ekri zot e demande ki zot pa manz lavyann ki'n ganny ofer avek bann zidol, gard zot kont tou pratik imoral, pa manz zannimo ki'n toufe, ni disan.

Deterononm 12:16

Me ou pa pou kapab manz disan okenn zannimo; ou ava les li koul ater, parey delo.

Deterononm 12:22

Ou ava manz sa lavyann parey ou manz lavyann gazel oubyen serf; sa dimoun ki pir koman sa enn ki enpir, ava kapab manze.

Deterononm 12:24

Ou pa devre manz sa disan; ou ava vers li lo later parey ou vers delo.

Deterononm 15:23

Selman, ou pa pou manz son disan; ou ava les son disan koul ater, parey delo.

Revelasyon 5:9

Zot ti sant en nouvo kantik: Ou diny pour resevwar sa liv e kas son bann sele. Annefe, ou ti ganny egorze, e par ou disan, ou'n reaste pour Bondye, zonm dan tou ras, lalang, pep ek nasyon.

1 Samyel 14:32

Zot ti sot lo sa ki zot ti'n pran avek bann Filisten: Mouton, toro, zenn bef, egorz zot e ofer zot an sakrifis ater; la troup ti manz lanmenm lo disan.

1 Samyel 14:33

Zot ti dir Sail, “La bann troup pe fer pese kont SENYER; zot pe manz lavyann lo disan.” Sail ti dir, “Zot in kondwir zot koman bann tret; toudswit, roul en gro ros isi kot mwan.