Deterononm 12:18 - Labib An Kreol Seselwa

¹⁸ Ou ava manz sa bann keksoz dan prezans SENYER, ou Bondye, la kot SENYER, ou Bondye ava swazir, ou, avek ou bann garson ou bann fiy, ou bann serviter ek ou bann servant, avek bann levit ki reste dan ou bann lavil. Dan prezans SENYER, ou Bondye, zot ava zouir ansanm pour tou son bann travay.

Deterononm 12:18 ပူးပေါင်းရင်းမြစ်များ

Psonm 32:11

Zot ki zis! Rezouir dan SENYER. Zot ki leker i drwat! Sant zot lazwa.

Psonm 68:3

Zot ki zis! Montre zot lazwa. Selebre devan Bondye dan lazwa.

Proverb 3:17

I fer plezir mars lo son semen; tou son bann santye i kondwir ver prosperite.

Eklezyas 3:12

Alor, mon realize: I pli bon pour zonm rezouir e profit lavi dan kontantman.

Eklezyas 5:18

La sa ki mon'n war: I meyer pour en dimoun manze, bwar, profit plezir dan tou sa ki i fer anba soley, pandan tou son lavi ki Bondye in donn li; sa i son sor.

Ezai 12:3

Avek lazwa, ou pou tir delo dan bann sours lavi.

Akt de Zapot 16:34

I ti anmenn Pol ek Silas kot li e donn zot manze. Sa zonm avek tou son fanmir ti ranpli avek lazwa, akoz aprezan, i ti'n vin en krwayan.

Akt de Zapot 2:46

Tou le zour, zot ti reini regilyerman dan Tanp. Zot ti partaz dipen dan zot lakaz, manz dan lazwa, avek kontantman ek senplisite dan zot leker.

1 Korentyen 10:31

Alor, kwa ki ou manze, kwa ki ou bwar, nenport kwa ki ou fer, fer tou pour laglwar Bondye.

Galat 5:22

Me la bann fri ki Lespri i prodwi: Lanmour, lazwa, lape, pasyans, labonte, zenerozite, fidelite,

Deterononm 12:14

me zis la kot SENYER ava swazir parmi enn ou bann tribi, la kot ou ava ofer ou bann sakrifis konplet. Se la osi kot ou ava fer tou sa ki mon ordonn ou.

Deterononm 12:19

Veye ki osi lontan ki ou pe viv dan ou pei, ou pa negliz bann levit.

Deterononm 12:5

Me zot ava rod sa landrwa ki SENYER, zot Bondye ava swazir parmi zot bann tribi, pour ki son non i reste prezan, partou kot zot ava ale.

Deterononm 12:7

Zot ava manz la, dan prezans SENYER, zot Bondye, avek zot fanmir, avek zot bann serviter. Zot ava dan lazwa, akoz SENYER in beni zot dan tou sa ki zot in antreprann.

Deterononm 14:23

Ou ava manz ladim ou dible, ou diven nouvo ek ou delwil, bann premye ne ou bann troupo, dan landrwa kot SENYER, ou Bondye ava swazir pour manifeste prezans son non. Konmsa, ou ava aprann ki mannyer ou pou annan respe pour SENYER, ou Bondye.

Deterononm 15:20

Toulezan, ou ava manz li avek ou fanmir ek ou bann serviter devan SENYER, ou Bondye, dan landrwa kot SENYER ava'n swazir.

1 Samyel 1:4

Zour Elkana ti ofer sakrifis, i ti annan labitid donn son fanm Penina, son bann garson ek son bann fiy, en morso lavyann sakenn.