Deterononm 11:21 - Labib An Kreol Seselwa

²¹ Konmsa, osi lontan ki lesyel i egziste, zot ek zot zanfan ava viv lontan dan pei ki SENYER in fer serman avek zot zanset pour donn zot.

Deterononm 11:21 ပူးပေါင်းရင်းမြစ်များ

Psonm 72:5

Fer li viv ziska lafen lemonn, osi lontan ki lalin ek soley i briye.

Psonm 89:30

Si son bann desandan i oubliy mon lalwa e pa swiv mon bann desizyon;

Proverb 3:16

Lavi long i dan son lanmen drwat; larises ek loner i dan son lanmen gos.

Proverb 3:2

Zot ava fer ou viv pli lontan e ou ava ere.

Proverb 4:10

Mon zanfan! Ekoute. Aksepte mon bann parol e ou ava viv lontan.

Proverb 9:11

Annefe, gras a mwan, ou pou viv pli lontan; bann lannen ava ganny azoute avek ou lavi.

Ezai 65:20

Dan Zerizalenm, pou nepli annan pti baba ki viv zis detrwa zour ni vye dimoun ki pa viv lontan, akoz sa enn ki mor laz 100 an, pou ganny konsidere koman en zenn. Sa enn ki mor pli zenn ava ganny konsidere koman en malediksyon.

Deterononm 11:9

Konmsa, zot ava viv lontan dan sa pei ki SENYER ti fer serman avek zot zanset pour donn zot ek zot bann desandan; sa pei kot dile ek dimyel i koule.

Deterononm 4:40

Gard son bann regleman ek son bann komannman ki mon pe donn ou ozordi pour ou boner e pour dibyen ou bann desandan. Konmsa, ou ava viv lontan dan pei ki SENYER, ou Bondye pe donn ou pour touzour.

Deterononm 5:16

Respekte ou papa ek ou manman, parey SENYER, ou Bondye in ordonn ou. Konmsa, ou ava viv lontan e ere lo sa later ki SENYER, ou Bondye pou donn ou.

Deterononm 6:2

Konmsa, zot, zot bann zanfan ek zot bann pti zanfan, ava annan respe pour SENYER, zot Bondye tou le zour zot lavi. Zot ava gard tou son bann regleman ek son bann komannman ki mon pe donn zot, pour ki zot viv lontan.

Revelasyon 20:6

Byennere e sen, tou bann ki partisip dan sa premye rezireksyon. Dezyenm lanmor pou napa okenn pouvwar lo zot. Zot pou vin pret pour Bondye e pour Kris. Zot pou renny avek li pandan 1,000 an.