Deterononm 10:15 - Labib An Kreol Seselwa

¹⁵ Lontan, SENYER ti atase zis avek ou bann zanset. Me ozordi, se zot ki i'n swazir koman son bann desandan, parmi tou lezot pep.

Deterononm 10:15 ပူးပေါင်းရင်းမြစ်များ

1 Kronik 16:13

Desandans son serviter, Izrael son serviter, bann garson Zakob, ki i'n swazir!

Psonm 135:4

Annefe, SENYER in swazir Zakob zis pour li, Izrael koman son byen personnel.

Psonm 44:3

Pa avek zot lepe ki zot ti ganny sa pei; pa avek zot lafors, ki zot ti ganny laviktwar. Me par ou lanmen, par ou lafors, par lalimyer ou prezans, akoz ou ti kontan zot.

Amos 3:2

Parmi tou bann nasyon ki peple later, ou ki mon'n swazir. Pour sa rezon, mon pou fer ou rann kont tou ou bann krim.

Nonm 14:8

Si SENYER i bon anver nou, i pou anmenn nou laba e donn nou sa pei kot i koul dile ek dimyel.

Romen 11:28

Bann Zwif in vin lennmi Bondye akoz zot ti refiz Bonn Nouvel. Sa in tourn pour zot byen. Me si ou konsider swa ki Bondye in fer, bann Zwif in touzour zanmi Bondye, akoz zot bann zanset.

Deterononm 4:37

SENYER ti kontan ou bann zanset. Pour sa rezon, ki i'n swazir zot bann desandan e par son prezans ek son pwisans, i ti fer zot sorti Lezip.

1 Pyer 2:9

Me zot, zot en ras ki'n ganny swazir, en group pret rwayal, en nasyon sen, en pep ki pour Bondye. I'n swazir zot. In fer zot sorti dan fernwanr pour pas dan son lalimyer merveye, pour proklanm son bann mervey.