Deterononm 1:38 - Labib An Kreol Seselwa

³⁸ Zozye garson Noun ou asistan ki pou antre. Donn li kouraz akoz i pou fer Izrael antre e pran posesyon sa pei.

Deterononm 1:38 ပူးပေါင်းရင်းမြစ်များ

Egzod 24:13

Alor, Moiz ek Zozye son asistan, ti mont lo montanny Bondye.

Egzod 33:11

SENYER ti abitye koz avek Moiz fas a fas parey en zonm i koz avek son zanmi. Apre, Moiz ti retourn dan kan, tandis ki son serviter Zozye, garson Noun, ti reste dan Latant Rankont.

Proverb 22:29

Si en zonm i fer byen son travay, ava kapab servi bann lerwa; i pa pou travay pour dimoun ordiner.

Zeremi 40:10

Mwan menm, mon pe enstal mwan isi Mispa, pour reprezant zot devan bann Babilonyen ki pe vini. Zot ava rekolte rezen, bann fri ek delwil. Gard sa bann rekolt an rezerv e enstal zot dan bann lavil ki zot pe okipe.

Nonm 13:16

Sa i non tou bann zonm ki Moiz ti anvoy eksplor pei Kanaan. Moiz ti donn Oze, garson Noun, non Zozye.

Nonm 13:8

Pour tribi Efraim: Hoze, garson Noun.

Nonm 14:30

Personn pa pou antre dan sa pei ki mon ti promet pour enstal zot, eksepte Kaleb ek Zozye, garson Noun.

Nonm 14:38

Zis Zozye, garson Noun ek Kaleb, garson Zefoune, ki ti reste vivan parmi sa bann ki ti al eksplor pei.

Nonm 26:65

SENYER ti'n dir ki zot tou, zot pou mor dan dezer, eksepte Kaleb garson Zefoune ek Zozye, garson Noun.

Nonm 34:17

Pret Eleazar ek Zozye, garson Noun, pou fer partaz pei.

Deterononm 3:28

Donn Zozye ou bann lord, ankouraz li, rann li for, akoz li menm ki pou diriz lepep e donn li patrimwann sa pei ki ou pou war.

Deterononm 31:14

SENYER ti dir Moiz, “Letan ou lanmor pe aprose. Apel Zozye e vin prezant zot dan Latant Rankont, pour mwan donn li mon bann lord.” Alor, Moiz ek Zozye ti al prezant zot dan Latant Rankont.

Deterononm 31:23

Answit, SENYER ti donn son bann lord Zozye, garson Noun: Reste for e pran kouraz, akoz ou pou kondwir bann Izraelit dan pei ki mon ki promet zot par serman; mon pou avek ou.

Zozye 1:1

Apre lanmor Moiz, serviter SENYER, SENYER ti koz avek Zozye, garson Noun e asistan Moiz.

Zozye 11:23

Alor, Zozye ti pran tou sa pei, parey SENYER ti'n ordonn Moiz. Zozye ti donn bann Izraelit sa pei, e diviz li an porsyon, par tribi. Alor pei ti trankil, san lager.

1 Samyel 16:22

Sail ti fer dir Zese: Les David reste dan mon servis, akoz mon kontan li.