Deterononm 1:27 - Labib An Kreol Seselwa

²⁷ Zot in proteste dan zot latant. Zot ti dir: SENYER i ay nou; in fer nou sorti dan pei Lezip pour livre nou dan lanmen bann Amorit pour zot detri nou.

Deterononm 1:27 ပူးပေါင်းရင်းမြစ်များ

Psonm 106:25

Zot ti mirmire anba zot latant; zot pa ti ekout lavwa SENYER.

Egzod 16:3

Pep Izrael ti dir zot, “Plito SENYER ti'n touy nou depi Lezip kot nou ti asiz devan bann marmit lavyann, kot nou ti manz dipen nou vant plen. Ou'n anmenn sa pep antye dan dezer pour li mor lafen.”

Egzod 16:8

Moiz ti dir, “SENYER pou donn zot lavyann pour manze tanto e demen bomaten i pou donn zot dipen, akoz i'n antann zot mirmire kont li. Pa kont nou ki zot pe konplent e mirmire, me kont SENYER.”

Nonm 14:3

Akoz SENYER i anvi fer nou antre dan sa pei, si nou bezwen ganny masakre? Nou bann zanfan ek nou fanm pou ganny pran otaz! Pa ti ava preferab pour nou retourn Lezip?

Nonm 21:5

Zot ti koz kont Bondye e kont Moiz: Akoz ou'n fer nou sorti Lezip pour nou vin mor dan dezer? Isi napa ni delo ni manze; nou'n degout sa kalite manze mizer.

Matye 25:24

Sa serviter ki ti'n ganny en talan ti antre e dir: Met! Mon konnen ki ou en dimoun sever; ou rekolte kot ou pa'n senmen, e ou rekolte kot ou pa'n plante.

Levanzil dapre Lik 19:21

Mon ti per ou akoz ou en zonm sever; ou pran sa ki pa pour ou, e rekolte sa ki ou pa'n senmen.

Deterononm 9:28

sinon, zabitan sa pei kot ou ti fer nou sorti ava dir: SENYER pa ti kapab fer zot antre dan sa pei ki i ti'n promet zot. Akoz i ti ay zot ki i'n fer zot sorti pour anmenn zot dan dezer pour les zot mor.