Danyel 9:2 - Labib An Kreol Seselwa

² Dan premye lannen son renny, mwan, Danyel, mon ti konsilte bann liv sakre pour konpran parol ki SENYER ti'n donnen par profet Zeremi. Mon ti konpran ki Zerizalenm pou reste detri pour 70 lannen.

Danyel 9:2 ပူးပေါင်းရင်းမြစ်များ

2 Kronik 36:21

pour ki parol SENYER par lentermedyer profet Zeremi i realize: Ziska ki pei i gard bann saba pour letan ki i'n reste abandonnen; fodre i gard saba ziska ki 70 an i pase.

Esdras 1:1

Pandan premye lannen renny Siris, lerwa Lapers, SENYER ti realiz parol ki i ti'n prononse par profet Zeremi. I ti met dan lespri Siris, lerwa Lapers, lide pour fer en proklanmasyon e pibliy sa teks swivan partou dan son rwayonm antye:

Psonm 119:24

Ou bann lord i fer mwan plezir; zot mon bann konseye.

Ezai 64:10

Ou bann lavil sen in vin en dezer; Siyon in vin en dezer; Zerizalenm in ganny devaste.

Zeremi 1:1

Sa liv i rakont sa ki Zeremi, garson Hilkiya, ti dir. Zeremi ti sorti dan en fanmir pret ki ti reste dan lavil Anatot, dan teritwar tribi Benzamen.

Zeremi 25:18

Mon ti konmans par Zerizalenm ek bann lavil dan Zida, avek zot lerwa ek zot zofisye. Tou sa bann lavil ti ganny transformen koman en landrwa devaste, en landrwa malediksyon; i parey ankor ozordi.

Zeremi 26:18

Kan Ezekyas ti lerwa Zida, Mise ki sorti Moreset, ti dir avek pep Zida: La sa ki SENYER liniver i deklare: Siyon pou ganny laboure parey en later; Zerizalenm pou vin en ta ros, e kolin kot tanp in ganny konstri, pour vin en oter kouver avek brousay.

Zeremi 26:6

alor, mon pour detri sa tanp parey mon ti fer kraz sa enn ki Silo e fer Zerizalenm vin en malediksyon pour tou bann nasyon ki lo later.

Zeremi 27:7

Tou bann nasyon pou servi li, son garson ek son pti zanfan, ziska ler son zour ava vini. Alor, bann nasyon ek bann lerwa pli pwisan ki li pour fer li lesklav.

Zeremi 29:10

Me la sa ki SENYER i deklare: Kan Babilonn ava'n egzers son pouvwar pandan 70 an, mon pou entervenir dan ou faver e mon pou realiz mon promes pour ou retourn dan sa pei.

Zeremi 7:34

Dan bann lavil Zida e dan bann semen Zerizalenm, pou nepli antann dimoun riye ni war dimoun zwaye; pou nepli antann son rezouisans maryaz. Mon pou fer aret tousala e sa pei pou vin en landrwa devaste.

Lamantasyon 1:1

Otrefwa, Zerizalenm ti en lavil byen peple. Ozordi i en lavil abandonnen. Otrefwa, Zerizalenm ti enn parmi bann gran nasyon. Ozordi i parey en vev. Otrefwa, Zerizalenm ti parey en prenses parmi bann provens. Ozordi in vin en lesklav.

Ezekyel 29:11

Personn pa pou travers li, pa menm zannimo. Pandan 40 an i pou reste san zabitan.

Danyel 9:3

Mon ti tourn ver Senyer Bondye, pour trouv solisyon par lapriyer ek siplikasyon, par zenn, abiye dan lenz dey ek lasann.

Mise 3:12

Alor, akoz ou, fose pou ganny fouye dan Siyon, Zerizalenm pou vin en ta debri. Montanny kot tanp i ete pou ganny kouver avek brousay.

Zakari 1:12

Alor, lanz ti dir, “SENYER liniver! Ankor konbyen letan eski ou pa pou pran pitye pour Zerizalenm ek bann lavil dan Zida kont ki ou ankoler depi deza 70 an?”

Zakari 7:5

Dir avek lepep pei antye e avek bann pret. Kan zot ti fer en zenn, kan zot ti plere lo senkyenm ek setyenm mwan pandan sa 70 an, eski pour mwan ki zot ti pe fer sa zenn?

Matye 24:15

“Zot ava war sa enn ki apel Devastater Terib ki profet Danyel in koz lo la. I pou ganny enstale dan landrwa sen. Sa enn ki lir sa, konpran!

Mark 13:14

Kan zot ava war Profanasyon degoutan ganny enstale la kot i pa devre ete; sa enn ki lir sa, konpran. Alor, sa bann ki dan Zide, zot devre sov dan montanny.

Akt de Zapot 8:34

Sa zofisye ti demann Filip, “Dir mwan, lo ki sennla sa profet pe koze? Eski i pe koz lo li menm, oubyen lo en lot dimoun?”

1 Timote 4:13

An atandan ki mon arive, pas ou letan dan lektir Parol Bondye an piblik, pres laparol e ansennyen.

Revelasyon 1:3

Byennere, sa enn ki lir bann parol sa profesi! Byennere bann ki ekout e gard sa ki'n ekri ladan! Annefe, letan i pros pour sa bann levennman realize.