Danyel 5:7 - Labib An Kreol Seselwa

⁷ Lerwa ti kriye avek tou son lafors, pour apel bann savan, bann mazisyen, bann deviner. I ti dir avek bann savan Babilonn: Sa enn ki kapab lir sa ki'n ganny ekri e dir mwan son lenterpretasyon, pou ganny met en rob rwayal rouz, en kolye annor otour son likou, e i ava ganny trwazyenm plas dan gouvernman mon rwayonm.

Danyel 5:7 ပူးပေါင်းရင်းမြစ်များ

Zenez 41:8

Bomaten, son lespri ti trouble. I ti fer apel tou bann pret, bann mazisyen ek tou bann savan dan Lezip. Faraon ti rakont zot son rev, me ti napa personn ki ti kapab enterprete.

Ester 3:1

En pe letan apre sa bann levennman, lerwa Zerzes ti donn promosyon Haman, garson Hamedata, en Agagit: I ti donn li en pozisyon par lao tou bann o zofisye dan son ran.

Egzod 7:11

Me Faraon ti osi apel son bann saz ek son bann sorsye. Sa bann mazisyen Lezip ti fer parey atraver zot bann pratik sekre.

Proverb 1:9

Annefe, zot en kouronn lo ou latet e bann kolye otour ou likou.

Kantik Salomon 1:10

Ou lazou i zoli dan milye bann bizou; ou likou i zoli parmi bann kolye. Berze

Ezai 47:13

Ou'n fatig ou afors demann konsey. Les dimoun ki etidye lesyel vin sov ou; les sa bann ki lir dan bann zetwal, ki sak nouvellin i anons zot sa ki pou arive, les zot vin sov ou.

Zeremi 50:35

Lager kont Babilonn, kont son bann zabitan, son bann sef e son bann saz, SENYER i deklare.

Ezekyel 16:11

Mon ti orn ou avek bizou: Brasle lo ou pwannyen ek en kolye otour ou likou.

Danyel 1:20

Dan tou kestyon ki konsern lasazes ek disernman ki lerwa ti demande, zot ti ganny trouve dis fwa pli siperyer ki tou bann mazisyen ek savan dan son rwayonm antye.

Danyel 1:4

Sa bann zennzan ti devre san defo fizik, zoli, doue avek lasazes, konnesans ek disernman. Konmsa zot ava kapab antre dan servis lerwa, ganny ansennyen bann literatir ek langaz Babilonyen.

Danyel 2:2

Alor, i ti fer apel bann mazisyen, bann savan, ek bann sorsye pour revel li sa ki i'n reve. Zot ti vin devan lerwa.

Danyel 2:27

Danyel ti reponn: Napa okenn savan, okenn mazisyen, okenn deviner ki kapab montre lerwa sa rev mister ki lerwa pe demande.

Danyel 2:48

Apre, lerwa ti donn Danyel bann gran loner; i ti donn li bokou gro kado, e met li ansarz provens Babilonn antye. I ti fer li sef bann savan dan Babilonn.

Danyel 2:6

Me si zot dir mwan mon rev e donn mwan son lenterpretasyon, zot ava resevwar bokou kado, prezan ek gran loner. Alor, dir mwan mon rev e donn mwan son lenterpretasyon.”

Danyel 4:14

I ti kriy byen for: Koup sa pye dibwa e koup son bann brans, deplim tou son bann fey e fann son bann fri partou. Sas bann zannimo anba li. Fer fannen bann zwazo lo son bann brans.

Danyel 5:11

I annan en zonm dan ou rwayonm ki annan lespri parey lespri bann bondye sen. Dan lepok ou papa, sa zonm ti posed konnesans ek lasazes parey lasazes bann bondye. Ou papa, lerwa Naboukodonozor, ti met li sef bann mazisyen, bann savan, ek bann deviner,

Danyel 5:15

Mon'n fer apel bann saz ek bann mazisyen pour lir sa lekritir e fer mwan konn son lenterpretasyon. Me zot pa'n kapab donn mwan lenterpretasyon sa bann mo.

Danyel 5:16

Me, mon'n aprann ki ou kapab donn lenterpretasyon e rezoud bann problenm difisil. Aprezan, si ou kapab lir sa lekritir e donn mwan son lenterpretasyon, ou ava ganny abiye dan en rob rouz, ou ava ganny en kolye annor otour ou likou e ou ava okip trwazyenm plas dan gouvernman mon rwayonm.”

Danyel 5:29

Deswit apre, Baltazar ti donn lord pour abiy Danyel dan en lenz rouz, met en kolye annor otour son likou, e proklanm li trwazyenm personnaz dan gouvernman son rwayonm.

Nonm 22:17

Mon pou byen rekonpans ou. Mon ava fer tou sa ki ou dir mwan fer. Vin modi sa pep pour mwan.”

Nonm 22:7

Bann sef Moab ek bann sef Madyanit ti anmenn kado pour Balaanm. Ler zot ti ariv kot Balaanm, zot ti donn li mesaz sorti kot Balak.

Nonm 24:11

Aprezan, degaze, retourn kot ou. Mon ti'n promet pour rekonpans ou, me SENYER in anpes ou ganny sa rekonpans.”

1 Samyel 17:25

Bann zonm Izrael ti dir, “Ou'n war sa zonm ki'n monte? I'n monte zis pour provok nou. Lerwa in promet pour donn sa enn ki touy li en gro rekonpans, i pou donn li son fiy, e son fanmir pa pou pey taks dan Izrael.”