Danyel 12:7 - Labib An Kreol Seselwa

⁷ Sa zonm abiye dan lenz linenn, ki ti par lao larivyer, ti lev son de lanmen ver lesyel. Mon ti antann li fer en serman par sa Enn ki vivan pour touzour. I ti dir, “Pour en lannen, de lannen e lanmwatye lannen. Kan lafors sa pep sen ava'n konpletman fini, tou sa bann keksoz pou ganny akonpli.”

Danyel 12:7 ပူးပေါင်းရင်းမြစ်များ

Liv Zob 27:2

Par Bondye ki vivan, ki'n aras mwan mon bann drwa; par Bondye liniver ki'n fer mon leker gro:

Ezai 62:12

Zot pou ganny apele Pep Sen, Pep ki SENYER in libere. Ou pou ganny apele Mon Dezir, Lavil Swazi.

Zeremi 4:2

Si ou deklare senserman, e an verite: Mon fer serman devan SENYER ki vivan; alor, tou lezot nasyon ava demann mwan beni zot e zot ava loue mwan.

Ezekyel 20:5

Dir zot: La sa ki Senyer BONDYE i deklare: Zour mon ti swazir pep Izrael, mon ti fer en serman avek bann desandan Zakob. Mon ti fer zot konn mwan Lezip; mon ti fer en serman; lanmen leve, mon ti dir: Mwan menm SENYER zot Bondye.

Danyel 10:5

Mon ti lev mon lizye e mon ti war en zonm abiye dan lenz linenn, avek en sentir annor pir otour son leren.

Danyel 11:13

Lerwa Nor pou retournen avek en pli gran larme ki sa enn avan. Apre en pe letan, detrwa lannen, i pou mont ankor en latak avek en gran larme e avek bokou lekipman lager.

Danyel 12:6

Enn ant zot ti dir avek sa zonm dan lenz linenn, ki ti par lao larivyer, “Konbyen letan ankor pour lafen sa bann keksoz ekstraordiner arive?”

Danyel 12:8

Mon ti tande, me mon pa ti kapab konpran. Alor mon ti dir, “Mon senyer, ki mannyer tousala pou fini?”

Danyel 4:31

Sa bann parol ti ankor dan labous lerwa, kan en lavwa sorti dan lesyel ti dir: Lerwa Naboukodonozor, sa bann parol i konsern ou: Ou'n ganny arase ou pouvwar rwayal.

Danyel 4:34

Plitar, apre ki sa set an ti'n pase, mwan, Naboukodonozor, mon ti lev mon lizye ver lesyel e mon ti reganny mon bon rezonnman. Mon ti remersye Bondye Toupwisan, e rann glwar ek loner sa enn ki viv eternelman. Son pouvwar rwayal i pour touzour, son rwayonm pou dire pour touzour, atraver tou zenerasyon.

Danyel 7:21

Mon ti war sa korn deklar lager kont bann sen e ti pe ganny laviktwar lo zot,

Danyel 7:25

I pou koz kont Bondye Toupwisan. I pou fer soufer bann sen ki pour Bondye Toupwisan, I pou esey sanz bann zour lafet ek lalwa. Bann sen pou ganny livre dan son lanmen pandan en lannen, de lannen, e lanmwatye en lannen.

Danyel 8:14

I ti dir mwan, “Ziska ki 2,300 swar ek maten in pase; apre sa, sanktyer pou reganny konsakre.”

Danyel 8:24

Son pwisans pou kontinyen ogmante, me pa par son prop lafors. I pou lakoz bokou destriksyon. I pou reisi dan tou sa ki i antreprann. I pou detri bann pwisan ek pep Bondye.

Levanzil dapre Lik 21:14

Met byen dan zot lespri ki zot pa bezwen trakase davans pour prepar zot defans.

Levanzil dapre Lik 21:24

Zot pou ganny masakre, e ganny anmennen koman prizonnyen parmi tou bann nasyon. Zerizalenm pou ganny kraze anba lipye bann etranze, ziska letan ki'n ganny determinen ava'n akonpli.”

Deterononm 26:19

Konmsa, i ava fer ou vin pli gran nasyon ki i'n kree, dan ou repitasyon e dan ou loner. Konmsa, ou ava en pep sen pour SENYER, ou Bondye, parey in promet.

Deterononm 32:36

Annefe, SENYER pour ziz son pep; i pou pran pitye pour son bann serviter, akoz i pou war ki zot lafors in fini e ki nepli annan ni lesklav ni zonm lib.

Deterononm 32:40

Mon lev mon lanmen ver lesyel e mon deklare: Osi vre ki mon vivan pour touzour,

Deterononm 7:6

Ou en pep sen, konsakre pour SENYER, ou Bondye. SENYER, ou Bondye in swazir ou parmi tou bann pep lo later pour fer ou vin son pep.

1 Pyer 2:9

Me zot, zot en ras ki'n ganny swazir, en group pret rwayal, en nasyon sen, en pep ki pour Bondye. I'n swazir zot. In fer zot sorti dan fernwanr pour pas dan son lalimyer merveye, pour proklanm son bann mervey.

Revelasyon 12:14

Me sa fanm ti ganny sa de lezel en gran leg. I ti anvole ziska dan sa landrwa rezerve pour li dan dezer. La, i ti ganny nouri pandan 3 an edmi, lwen avek latak sa serpan.

Revelasyon 12:6

Sa fanm ti sov dan dezer dan en landrwa ki Bondye ti'n prepare pour li, kot i ava ganny nouri pandan 1,260 zour.

Revelasyon 13:5

Sa bebet ti ganny en labous pour li kapab pronons bann parol arogan, e blasfenm Bondye. I ti ganny lotorite pour egzers son pouvwar pandan 42 mwan.

Revelasyon 4:10

sa 24 ansyen ti prosternen devan sa enn ki asiz lo tronn e ador sa enn ki vivan eternelman. Zot ti zet zot kouronn devan tronn e sante:

Revelasyon 4:9

Sak fwa ki sa bann kreatir vivan ti rann glwar, loner ek remersiman anver sa enn ki asiz lo tronn, e ki vivan eternelman,