Danyel 10:1 - Labib An Kreol Seselwa

¹ Dan trwazyenm lannen Siris, lerwa Lapers, en mesaz ti ganny revele avek Danyel, ki zot ti osi apel Beltasar. Sa mesaz ti vre! Pou annan en gran konba. Danyel ti resevwar sa mesaz e i ti konpran sa vizyon.

Danyel 10:1 ပူးပေါင်းရင်းမြစ်များ

Zenez 41:32

Si ou'n rev de fwa, sa i montre ki Bondye in deside e i pa pou tarde pour fer li arive.

2 Kronik 36:22

Pandan premye lannen renny Siris, lerwa Lapers, SENYER ti realiz parol ki i ti'n prononse par profet Zeremi. I ti met dan lespri Siris, lerwa Lapers, lide pour fer en proklanmasyon e pibliy sa teks swivan partou dan son rwayonm antye:

Esdras 3:7

Zot ti donn larzan bann mason ek bann sarpantye. Zot ti donn manze, bwar, ek delwil bann Sidonit ek bann Tiryen, pour fer transport pye sed par bato sorti Liban pour anmenn Zafa, dapre lotorizasyon Siris, lerwa Lapers.

Esdras 4:3

Me Zorobabel, Zozye ek leres bann sef lafanmir Izrael ti reponn zot, “Konstriksyon en tanp pour nou Bondye pa konsern zot. Zis nou tousel, ki pou konstri en tanp pour SENYER, Bondye Izrael, parey lerwa Siris, lerwa Lapers in ordonn nou.”

Esdras 4:5

Zot ti pey bann konseye pour anpes travay marse. Zot ti fer sa pandan lavi Siris, lerwa Lapers e kontinyen ziska renny Dariis, lerwa Lapers.

Esdras 6:14

Bann ansyen parmi bann Zwif ti konstri avek sikse, dapre parol profet Agze ek Zakari, garson Ido. Zot ti fini zot travay restorasyon dapre lord Bondye Izrael e dapre lord bann lerwa Lapers: Siris, Dariis ek Artakzerzes.

Esdras 6:3

Dan premye lannen son renny, lerwa Siris ti pibliy sa dekre: Tanp Bondye Zerizalenm, i devre ganny rekonstri, lo fondasyon solid, kot sakrifis i ava ganny ofer. I ava 30 met oter e 30 met larzer.

Ezai 44:28

Mon'n deklare lo size Siris: I mon berze i pou akonpli tou sa ki fer mwan plezir. Lo size Zerizalenm: I pou ganny rekonstri. Lo size tanp: Ou fondasyon pou ganny retabli.

Danyel 1:17

An sa ki konsern literatir ek lasazes, Bondye ti donn sa kat zennzan, disernman ek konnesans. Danyel ti osi kapab enterpret bann vizyon ek bann rev.

Danyel 1:21

Alor, Danyel ti kontinyen servi lerwa ziska premye lannen lerwa Siris.

Danyel 1:7

Sef zofisye dan pale ti donn zot diferan non. I ti apel Danyel, Beltasar; Hananya, Sadrak; Misael, Mesak; e Azarya, Abed-Nego.

Danyel 10:14

Aprezan, mon'n vini pour fer ou konpran sa ki pou arive avek ou pep dan lavenir, akoz i annan ankor en vizyon pour sa bann zour.

Danyel 11:2

Aprezan, sa ki mon pou anons ou i laverite. Ankor trwa lerwa pou leve dan Lapers. Katriyenm lerwa pou vin pli ris ki lezot avan. Par son larises, i pou vin for e i pou fer tou pour atak rwayonm Lagres.

Danyel 12:4

Me ou, Danyel, gard sekre sa bann parol e kaste sa liv ziska letan lafen. Dan sa lepok, bokou pou esey konpran e zot konnesans pou ogmante.

Danyel 12:9

I ti dir mwan, “Kontinyen, Danyel, akoz sa bann parol pou reste sekre, kaste, ziska letan lafen.

Danyel 2:21

I sanz letan ek sezon, i ranvers en lerwa e etablir en lot lerwa; i donn lasazes bann saz e konnesans bann ki annan disernman.

Danyel 4:8

Dernyen pour vin kot mwan, Danyel, ki ti osi apel Beltasar, dapre non mon bondye. I ti annan dan li, lespri bann bondye sen. Mon ti rakont li mon rev:

Danyel 5:12

akoz dan sa letan, Danyel, ki ti osi apel Beltasar, ti annan en lespri ekstraordiner. I ti annan abilite ek konnesans pour enterpret bann rev, desifre bann kestyon konplike e trouv solisyon bann problenm. Aprezan, fer apel Danyel e i ava donn lenterpretasyon.

Danyel 5:17

Danyel ti reponn devan lerwa, “Gard ou bann kado pour ou e donn en lot dimoun sa bann prezan. Sepandan, mon pou lir sa lekritir avek lerwa e fer li konn son lenterpretasyon.”

Danyel 6:28

Alor, Danyel ti prospere pandan renny lerwa Dariis e pandan renny Siris, lerwa Lapers.

Danyel 8:16

Mon ti antann en lavwa imen sorti dan larivyer Oulai. I ti kriye: Gabriyel, eksplik li sa vizyon.

Danyel 8:26

Sa vizyon ki konsern bann swar ek maten, i serten. Me ou, gard sa vizyon sekre, akoz i konsern en lepok lwen dan lavenir.

Levanzil dapre Lik 1:20

Me akoz ou pa'n krwar mon parol ki pou akonpli kan son letan ava arive, ou pa pou kapab koze ziska ki tou sa ki mon'n anons ou i arive.”

Revelasyon 19:9

Alor, lanz ti dir mwan: Ekri: Byennere, bann ki ganny envite pour festen maryaz Zenn Mouton. I ti azoute: Sa i bann vre Parol Bondye.