Amos 7:8 - Labib An Kreol Seselwa

⁸ SENYER ti poz mwan sa kestyon: Amos, ki ou war? Mon ti reponn, “En filaplon.” Alor, SENYER ti dir mwan, “Mon pe servi sa filaplon pour montre mon pep ki i parey en miray ki pa daplon. Mon pa pou eparny li.

Amos 7:8 ပူးပေါင်းရင်းမြစ်များ

2 Rwa 21:13

Mon pou fer avek Zerizalenm parey mon'n fer avek Samari ek lafanmir Akab, e mon pou netway Zerizalenm parey en pla ki ou vire anba lao.

Ezai 28:17

Mon pou fer lalwa vin lareg, lazistis en filaplon. Lagrel pou balye zot lakaz mansonz e delo pou trenn zot labri.

Ezai 34:11

Votour ek ibou pou vin reste la, katiti ek korbo pou vin dormi la. SENYER ava tir latres konfizyon lo sa later e nivodo lo son bann nob.

Zeremi 15:6

Ou'n rezet mwan, SENYER i deklare. Ou'n vir ou ledo avek mwan. Alor, mon pran aksyon pour mwan pini ou, akoz mon fatige pran konpasyon anver ou.

Lamantasyon 2:8

SENYER in deside met anrin tou bann miray ki protez Zerizalenm. I ti fer mezire e fer sir ki tou ti ganny kraze. Aprezan, son bann tour ek bann miray in vin zis en ta debri.

Oze 1:6

Gomer ti ansent ankor e i ti ganny en fiy. SENYER ti dir Oze: Ou ava apel li Lo-Rouama, savedir: Sa ki mon pa kontan. Mon pou nepli kontan pep Izrael e kontinyen pardonn zot.

Amos 7:7

SENYER ti donn mwan en lot vizyon: Mon ti war SENYER pe debout kot en miray avek en filaplon dan son lanmen.

Amos 8:2

SENYER ti demann mwan, “Amos, ki ou war?” Mon ti reponn “En pannyen fri mir.” Alor, SENYER ti dir mwan: Letan lafen pour mon pep Izrael, in arive. Mon pa pou eparny li.

Mise 7:18

Napa bondye ki parey ou, SENYER; ou efas fot e pardonn pese restan ou pep. Ou pa gard ou lakoler pour touzour, me ou pran plezir montre ou fidelite.

Zakari 4:10

Sa enn ki'n mepriz letan bann pti keksoz, pou kontan kan i pou war sa pyer fondasyon dan lanmen Zorobabel! Sa set lalanp se lizye SENYER ki eksplor later antye.”

Zakari 4:2

I ti demann mwan, “Ki ou war?” Mon ti reponn, “Mon war en portlanp annor avek en rezervwar anler. Par lao, i annan set lalanp. Lo sa set lalanp ki par lao, i annan set labek.

Zakari 5:2

Lanz ti demann mwan, “Ki ou war?” Mon ti reponn, “Mon war en roulo ki pe anvole. I nef met longer e kat met senkant larzer.”