Amos 4:7 - Labib An Kreol Seselwa

⁷ Mon'n anpes lapli tonbe depi trwa mwan avan rekolt. Mon'n fer lapli tonm lo en lavil me pa lo en lot lavil. Lapli in tonm lo en plantasyon me sa enn ki pa'n ganny lapli, in sek.

Amos 4:7 ပူးပေါင်းရင်းမြစ်များ

Egzod 10:22

Moiz ti lev son lanmen ver lesyel e en teneb epe ti kouver Lezip antye pandan trwa zour.

Egzod 10:23

Dimoun pa ti war kanmarad pandan trwa zour; personn pa ti war kanmarad e zot pa ti bouze kot zot ti ete.

Egzod 8:22

Me sa zour, mon pou tret diferaman teritwar Gosenn, kot mon pep i reste pour ki ou ava konnen ki mwan SENYER, mon dan sa pei.

Egzod 9:26

Zis dan teritwar Gosenn kot pep Izrael ti reste, ki lagrel pa ti tonbe.

Egzod 9:4

Me SENYER pou fer en distenksyon ant troupo bann Izraelit ek troupo bann Ezipsyen. Napa en sel zannimo bann Izraelit ki pou mor.

Ezai 5:6

Mon pou les li vin en landrwa abandonnen. Personn pa pou tay son bann brans; personn pa pou aras bann move zerb. Bann plant anvaisan ek zarbis pikan pou pouse. Mon pou anpes bann nyaz fer lapli tonm lo li.

Zeremi 14:22

Napa enn sa bann fo bondye dan lezot nasyon ki kapab fer lapli tonbe. Lesyel li tousel pa kapab fer lapli tonbe. SENYER nou Bondye, zis dan ou, ki nou'n met nou lespwar. Ou ki'n fer tousala arive.

Zeremi 14:3

Bann sef in anvoy bann serviter rod delo; zot al kot bann sitern, me zot pa trouv delo. Zot retourn avek zot potao vid. Dekouraze, kanmi, zot kasyet zot ti kouver zot latet.

Zeremi 14:4

Lapli pa'n tonbe, later i sek. Bann fermye i dezapwente; zot bes latet.

Zeremi 3:3

Pour sa rezon, mon'n anpes lapli tonbe e sezon lapli pa'n vini. Vreman, ou'n vin parey en prostitye, me ou pa ni onte.

Zoel 2:23

Zot bann zabitan Siyon! Rezoui dan SENYER, zot Bondye. In fer tonbe lapli apre lasesres; in fer tonbe lapli annabondans: Lapli pour sak sezon, parey avan.

Zakari 14:17

Sa fanmir ki pa mont Zerizalenm pour ador lerwa, pa pou ganny lapli.

Levanzil dapre Zan 4:35

Pa zot dir: I annan ankor kat mwan avan larekolt. Me mwan mon dir zot lev lizye e get byen bann plantasyon: Bann lagrenn in mir e in pare pour larekolt.

1 Korentyen 4:7

Lekel ki fer ou diferan avek lezot? Ki ou posede ki ou pa ti resevwar? Alor, si ou'n resevwar, akoz ou vant ou lekor konmsi ou pa'n resevwar?

Deterononm 11:17

Alor, zot pou fer lakoler SENYER monte kont zot. I ava ferm lesyel e okenn lapli pa pou tonbe. Pei pou nepli prodwir okenn rekolt e zot ava disparet rapidman dan sa bon pei ki SENYER pe al donn zot.

Let Zak 5:17

Eli ti en zonm ki ti annan menm natir ki nou: I ti priy avek bokou lafwa pour ki lapli pa tonbe e lapli pa ti tonbe lo later pandan 3 an edmi.

Revelasyon 11:6

Zot annan pouvwar ferm lesyel pour ki lapli pa tonbe pandan letan ki zot pe profetize. Zot annan pouvwar sanz delo an disan. Zot osi annan pouvwar frap later avek toudsort kalite fleo sak fwa ki zot oule.