Amos 4:1 - Labib An Kreol Seselwa

¹ Bann fanm dan montanny Samari, ki gra parey bann vas Basann, ekout sa parol: Zot ki maltret dimoun ki feb, ki kraz bann pov, e ki dir zot mari anmenn keksoz pour bwar,

Amos 4:1 ပူးပေါင်းရင်းမြစ်များ

1 Rwa 16:24

I ti aste montanny Samari pour 6,000 pyes larzan avek Semer. I ti konstri en lavil fortifye ki i ti apel Samari, dapre non Semer, ki ti propriyeter sa montanny.

Liv Zob 20:19

akoz i'n fer abandonn bann pov; i'n sezi lakaz ki lezot in konstri.

Liv Zob 24:4

Zot sas bann pov lo semen; tou bann malere dan pei i bezwen al kasyet.

Psonm 12:5

SENYER i deklare: Akoz bann pov in ganny kraze, akoz bann ki dan bezwen pe plennyen, mon pou pran aksyon. Mon pou protez zot parey zot demande.

Psonm 140:12

Mon konnen ki SENYER pa oubliy bann malere e ki i rann zizman an faver bann pov.

Psonm 22:12

Mon bann lennmi, bann toro, in antour mwan; bann toro ki sorti Basann in anserkle mwan.

Proverb 22:7

Sa enn ki ris i domin lo bann ki pov; sa enn ki demann prete i vin lesklav sa enn ki prete.

Eklezyas 4:1

Mon'n war tou bann eksplwatasyon imen ki egziste anba soley. Kriye bann ki ganny kraze e napa personn pour ed zot. Pouvwar i dan kote bann ki pe dominen e napa personn pour sekour zot

Eklezyas 5:8

Pa etonnen si ou war bann pov pe ganny kraze par labi e kan dimoun dan pei i perdi zot drwa e pa ganny lazistis. Annefe, par lao en fonksyonner enportan, i annan en sef pli enportan ki protez li; par lao tou le de, i annan en lot sef pli enportan ankor.

Ezai 28:1

Maler lo bann soular dan pei Efraim, lavil dan laform en kouronn! I ganny byen dekore lo sa kolin ki domin son vale fertil. Me son labote i parey bann fler sek ki orn latet bann ki'n gonfle avek manze gra, ki'n soule avek diven.

Ezai 5:8

Maler bann ki azout lakaz! Ki pran en morso later apre lot, ziska ki pei antye i zis pour zot.

Ezai 56:12

Zot dir: Vini! Annou al rod diven. Annou soul nou avek labwason for. Demen pou parey ozordi; bwar pa pou manke.

Ezai 58:6

La zenn ki fer mwan plezir: Detas bann lasenn lenzistis, tir sa fardo ki pez lo ou zepol, rann lib dimoun ki ganny kraze e debaras bann fardo ki gard ou lesklav.

Zeremi 50:11

Pep Babilonn! Ou kontan, ou dan lazwa. Ou'n pran tou sa ki pour mwan. Ou pe sote parey en zenis dan laplenn; ou kriye parey en seval.

Zeremi 50:27

Masakre tou bann toro! Fer zot desann dan labatwar. Lepep Babilonn in ganny modi! Letan pour li ganny pini in arive.

Zeremi 51:34

Naboukodonozor, lerwa Babilonn, in devor mwan e in anval mwan. In les mwan parey en resipyan vid. Parey en mons, in anval mwan. In ranpli son vant avek sa ki i ti anvi e in zet sa ki ti reste.

Zeremi 6:6

La sa ki SENYER liniver i deklare: Koup pye dibwa pour fer en baraz kont Zerizalenm. Sa lavil i bezwen ganny pini, akoz i ranpli avek vyolans.

Zeremi 7:6

Aret abiz lo febles bann etranze, bann orfelen, bann vev. Aret touy dimoun inosan dan sa pei. Aret tay deryer lezot bondye ki pou anmenn maler lo zot.

Ezekyel 18:12

i eksplwat bann pov ek bann malere; i vol dimoun; i pa rann sa ki en dimoun in met angaz pour son det; i ador bann zidol e fer toudsort pratik degoutan;

Ezekyel 22:12

Kot ou, i annan ki aksepte larzan pour fer koule disan, ki pret larzan, egziz gro lentere e eksplwat zot prosen pour anrisi zot. Me mwan, zot in oubliy mwan, Senyer BONDYE ki deklare.

Ezekyel 22:27

Zot bann prens i parey loulou ki desir son viktim. Zot touy dimoun pour akapar zot byen.

Ezekyel 22:29

Partou dan pei, dimoun in servi lafors ek vyolans. Zot in vole e profit lo malere; zot in eksplwat bann etranze san respekte bann drwa.

Ezekyel 22:7

Parmi zot, napa respe pour zot papa ek zot manman; bann etranze i ganny kraze avek lenzistis; bann orfelen ek bann vev i ganny eksplwate.

Ezekyel 34:16

Mon pou rod bann ki'n perdi; fer retournen bann ki'n egare; pans bann ki'n ganny blese e fer bann ki malad repran zot lafors. Me mon pou elimin bann ki gra e for. Mon pou diriz mon troupo avek ladrwatir.

Ezekyel 39:18

Zot ava manz lavyann bann gran konbatan e bwar disan bann sef lo later ki pou ganny ofer dan plas bann mouton, bouk, toro, tou bann zannimo gra dan Basann.

Zoel 3:3

Zot in tir osor lo mon pep. Zot in vann bann zennzan, pour pey bann prostitye. Zot in vann bann zenn fiy, pour pey diven ki zot in bwar.

Amos 3:1

Pep Izrael! Ekout parol ki SENYER i prononse kont ou, lo tou bann fanmir ki mon'n fer monte, sorti Lezip:

Amos 3:3

Eski de zonm i mars ansanm, si zot pa'n tonm dakor avan?

Amos 5:11

Zot in kraz dimoun pov, zot in pran pardfors en parti zot rekolt. Pour sa rezon, zot pa pou viv dan bann lakaz fer avek ros taye e ki zot in konstri. Zot pa pou bwar diven sorti dan zot bann plantasyon rezen.

Amos 6:1

Maler lo zot ki viv trankilman dan Siyon, e ki krwar zot an sekirite dan montanny Samari! Zot bann elit parmi bann nasyon, ver ki bann Izraelit i tournen!

Amos 6:6

Zot bwar diven dan bann gran lakoup; zot parfim zot lekor avek bann pli bon lesans. Me zot pa montre lapenn pour dezas ki menas Izrael.

Malasi 3:5

Alor, mon pou apros zot pour zizman. Mon pou deswit pas zizman kont bann sorsye, bann ki komet adilter, bann ki fer fo serman, bann ki eksplwat zot travayer e ki abiz lo bann vev ek bann orfelen, e ki maltret bann etranze. Tou sa bann dimoun napa respe pour mwan. SENYER liniver ki deklare.

Nonm 21:33

Apre, zot ti mont dan direksyon Basann. Og, lerwa Basann ti sorti pour al lager avek tou son larme; i ti atak zot Edrei.

Deterononm 24:14

Ou pa pou gard lapey en travayer pov e ki dan bezwen, ki swa Izraelit oubyen etranze ki pe reste dan ou pei, oubyen dan enn ou bann lavil.

Deterononm 28:33

En pep ki ou pa konnen ava manz prodwi ou later e tou prodwi ou travay; ou pou kontinyelman ganny eksplwate, kraze.