Amos 2:7 - Labib An Kreol Seselwa

⁷ Zot kraz bann malere dan lapousyer. Zot napa respe pour okenn drwa bann ki feb. En zonm i dormi avek menm fanm ki son papa; sa i en ensilt pour mon loner.

Amos 2:7 ပူးပေါင်းရင်းမြစ်များ

2 Samyel 12:14

Me akoz ou'n mepriz SENYER dan sa zafer, sa zanfan ki'n ne pour ou, pou mor.”

1 Rwa 21:4

Akab ti retourn kot li ankoler, mekontan, akoz sa ki Nabot, sa zabitan Zizreel ti'n dir li: Mon pa pou donn ou patrimwann mon bann zanset. I ti al alonze lo son lili, vir son figir dan kwen e refize manze.

Proverb 28:21

I pa bon fer preferans ant dimoun; sepandan, pour en morso dipen, serten i kapab enzis.

Ezai 10:1

Maler lo sa bann ki fer bann regleman enzis, ki fer bann lalwa ki pez lo bann sitwayen.

Ezai 10:2

Zot anpes dimoun ganny lazistis. Zot priv bann pov zot drwa. Zot vol bann vev e depouy bann orfelen!

Ezai 3:14

SENYER i pare pour ziz bann ansyen ek bann dirizan son pep: Zot ki'n devaste mon plantasyon rezen, zot lakaz i plen avek keksoz ki zot in vole avek bann pov.

Ezai 3:15

Senyer BONDYE liniver i deklare: Akoz ou kraz mon pep? Akoz ou fer vyolans avek bann pov?

Ezekyel 22:11

Kot ou, i annan ki komet bann aksyon degoutan avek fanm zot prosen; i annan ki abiz zot belfiy; i annan ki dormi avek zot demi ser, fiy zot papa.

Ezekyel 36:20

Me, parmi bann nasyon partou kot zot in ale, zot in fer mon non sen ganny bafwe. Dimoun in menm dir: Sa pep SENYER; me zot ti forse kit son pei.

Oze 4:14

Mon pa pou fer zot bann fiy rann kont pour zot prostitisyon, ni zot bann belfiy pour zot adilter. Annefe, zot menm, bann pret, zot al kot bann prostitye, zot partaz repa sakre avek bann prostitye dan tanp. En pep san disernman pe al ver son destriksyon.

Levitik 18:15

Ou pa pou dormi avek ou belfiy. I fanm ou garson; ou pa pou dekouver son touni.

Levitik 18:21

Ou pa pou ofer enn ou zanfan an sakrifis avek Molek. Sa i ava dezonor non ou Bondye. Mwan menm SENYER.

Levitik 18:8

Ou pa pou dormi avek fanm ou papa; sa i dezonor ou prop papa.

Levitik 20:3

Mwan menm, mon pou tourn kont sa zonm. Mon pou sas li parmi mon pep akoz in donn enn son zanfan bondye Molek, rann enpir mon sanktyer e dezonor mon non sen.

Amos 4:1

Bann fanm dan montanny Samari, ki gra parey bann vas Basann, ekout sa parol: Zot ki maltret dimoun ki feb, ki kraz bann pov, e ki dir zot mari anmenn keksoz pour bwar,

Amos 5:11

Zot in kraz dimoun pov, zot in pran pardfors en parti zot rekolt. Pour sa rezon, zot pa pou viv dan bann lakaz fer avek ros taye e ki zot in konstri. Zot pa pou bwar diven sorti dan zot bann plantasyon rezen.

Amos 5:12

Mon konnen kantite pese ki zot in fer e tou sa kantite krim ki zot in komet. Zot persekit bann inosan; zot anpes bann pov rod zot drwa devan ziz.

Amos 8:4

Ekoute, zot ki kraz bann malere, e ki oule detri bann pov dan sa pei.

Mise 2:2

Kan zot anvi bann plantasyon, zot pran. Si zot anvi bann lakaz, zot sezi. Zot fer mizer en dimoun ek son fanmir e zot akapar son posesyon.

Mise 2:9

Zot pous bann fanm mon pep, dan zot lakaz ki zot kontan. Pour touzour, ou pran loner ki sorti kot mwan, avek zot bann zanfan.

Sofoni 3:3

Son bann sef i parey bann lyon ki pe kriye. Son bann ziz i parey bann loulou ki fer lasas aswar. Kan bomaten i fer, zot napa nanryen pour manze.

Romen 2:24

Annefe, Lekritir i deklare: Se akoz zot menm, ki lezot pep i ensilte Bondye.

1 Korentyen 5:1

Dimoun i dir ki i annan parmi zot limoralite seksyel, tel ki ou pa trouve menm parmi bann non-Zwif. I menm annan enn parmi zot ki pe viv avek fanm son papa.