2 Samyel 18:2 - Labib An Kreol Seselwa

² David ti konfye en tyer son larme anba komannman Zoab, en tyer anba Abisai, garson Serouya, frer Zoab, e en lot tyer anba Itai, ki sorti Gat. Apre, lerwa ti dir lepep, “Mwan osi, mon oule al lager ansanm avek zot.”

2 Samyel 18:2 ပူးပေါင်းရင်းမြစ်များ

2 Samyel 17:11

Mon konseye alor, ki Izrael antye i rasanble pre avek ou, depi Dann ziska Berseba an kantite, parey gren disab ki annan obor lanmer, e ki ou menm personnelman diriz zot dan konba.

2 Samyel 21:17

Abisai, garson Serouya, ti vin donn en koudmen David e touy sa Filisten. Alor, bann zonm David ti fer li pret serman. Zot ti dir li, “Ou pa pou al lager ankor avek nou; ou pa pou tenny lalanp Izrael.”

2 Samyel 23:18

Abisai, frer Zoab, garson Serouya, ti fer osi parti bann elit dan lagard. Li menm ki ti anvoy son lans lo 300 zonm ki i ti transperse. Konmsa ki i ti fer son renonmen parmi sa trwa zonm.

2 Samyel 8:16

Zoab, garson Serouya, ti sef larme, e Zozafat, garson Ahiloud, ti Arsivis,

1 Rwa 2:28

Kan sa nouvel ti ariv kot Zoab, ki ti pe siport Adoniya, menm si avan i pa ti dan kote Absalon, i ti sov dan latant SENYER e may bann korn lotel.

Psonm 3:6

Mon pa per menm si plizyer milye dimoun i antour mwan lo tou kote.

Ziz 7:16

Zedeon ti diviz sa 300 zonm dan trwa group I ti donn zot bann tronpet, bann gran potao avek tors ladan.

Ziz 7:19

Avek sa 100 zonm ki ti avek li, Zedeon ti ariv dan zanviron kan o konmansman vey minwi; ti fek ranplas gard. Zot ti soufle tronpet e kas zot bann potao ki ti dan zot lanmen.

Ziz 9:43

I ti diviz son bann zonm an trwa group e al esper dan lakanpanny. Ler i ti war bann zabitan sorti dan lavil, i ti sorti e atak zot.

1 Samyel 11:11

Lannmen, Sail ti diviz lepep an trwa group. Granmaten, zot ti antre dan kan bann Amonit e bat zot ziska lasaler lazournen ti monte. Tou bann sirvivan ti disperse.