2 Samyel 10:16 - Labib An Kreol Seselwa

¹⁶ Hadadezer ti anvoy sers bann Siriyen lo lot kote larivyer Efrat. Zot ti al Elanm anba komannman Sobak, komandan an sef larme Hadadezer.

2 Samyel 10:16 ပူးပေါင်းရင်းမြစ်များ

2 Samyel 10:15

Ler bann Siriyen ti remarke ki zot ti'n fini ganny bate par bann Izraelit, zot ti rasanble tou zot troup.

2 Samyel 10:17

Ler David ti ganny sa nouvel, i ti mobiliz larme Izrael antye, travers larivyer Zourden e ariv Helanm. Bann Siriyen ti pran pozisyon kont David pour atak li.

1 Rwa 11:23

Bondye ti soulev en lot ladverser kont Salomon: Rezonn, garson Elyada, ki ti'n sove kot son met Adadezer, lerwa Soba.

1 Kronik 18:3

David ti bat Hadadezer lerwa Soba, dan direksyon Hamat. Sa ti lepok ki Hadadezer ti pe al etabli son pouvwar ziska kot larivyer Efrat.

1 Kronik 18:5

Kan bann Siriyen ki ti Damas ti sorti pour ed Hadadezer, lerwa Zoba, David ti touy 22,000 zonm parmi bann solda Siriyen.

1 Kronik 19:16

Bann Siriyen ti war ki zot ti'n ganny bate par bann Izraelit. Zot ti anvoy mesaze kot bann Siriyen ki ti lo lot kote larivyer Efrat. Sofak, sef larme Hadadezer ti komandan an sef.