2 Pyer 3:16 - Labib An Kreol Seselwa

¹⁶ Annefe, i koz lo sa size dan tou son bann let. I annan serten pasaz difisil pour konpran, ki serten dimoun inyoran san formasyon, i deform son sans. Zot fer parey avek lezot parti Lekritir. Sa i pour zot prop pert.

2 Pyer 3:16 ပူးပေါင်းရင်းမြစ်များ

Zenez 49:4

Ou balote parey delo, me ou pa pou ganny drwa lene garson, akoz ou'n sali mon lili avek mon fanm. Ou'n dezonor mon lili.

1 Rwa 10:1

Larenn Saba ti'n antann koz lo renonmen Salomon akoz non SENYER, i ti vin teste li avek bann kestyon difisil.

Psonm 56:5

Tou le zour zot tourmant mwan avek parol blesan. Zot mazin zis fer mwan ditor.

Egzod 23:2

Ou pa pou swiv lopinyon mazorite dimoun ki oule fer dimal, ni servi fo temwen dan en zafer, e tonm dakor avek en mazorite kont lazistis.

Egzod 23:6

Ou pa pou priv en pov son drwa dan en zafer.

Zeremi 23:36

Fodre pa ki lepep i koz lo fardo ki SENYER in met lo nou, akoz parol SENYER i zanmen en fardo. Si ou koz konmsa, ou pe detourn Parol Bondye ki vivan, SENYER liniver, nou Bondye.

Habakouk 1:4

Alor, lalwa nepli ganny pratike. Personn pa rann lazistis koman fodre. Malfeter i atak sa enn ki bon. Alor, lazistis i ganny bafwe bann ziz i rann bann zizman enzis.

Matye 15:3

Zezi ti reponn zot, “Me zot, akoz zot dezobei komannman Bondye pour swiv zot prop tradisyon?

Matye 15:6

Dan sa fason, zot detri valer Parol Bondye, pour swiv zot prop tradisyon.

Matye 22:29

Zezi ti reponn zot, “Zot dan lerer, akoz zot pa konn ni Lekritir, ni pwisans Bondye.

Deterononm 16:19

Ou pa devre fos lazistis; ou pa devre ziz dapre laparans. Ou pa devre aksepte gous, akoz gous i bous lizye en saz e i fos desizyon en zonm zis.

Filipyen 3:19

Zot pe al ver zot prop pert. Zot vant i zot bondye; zot fyer pour sa ki ti devre fer zot onte; zot mazin zis bann keksoz materyel.

Ebre 5:11

Nou annan bokou pour dir lo sa size. Me i difisil pour eksplike akoz zot bezwen bokou letan pour konpran.

Let Zak 1:8

Annefe, sa dimoun pa konnen kwa ki i pou swazir; i enserten dan sa ki i fer.

1 Pyer 1:1

Sa let i sorti kot Pyer, en zapot Zezi-Kri, pour bann pep egzile ki viv koman refizye, e ki'n disperse atraver provens Pon, Galasi, Kapados, Lazi ek Bitini.

1 Pyer 2:8

Lekritir i osi deklare: Sa i en ros kot dimoun pou ganny konnyen, en ros ki pou fer dimoun tonbe. Zot in tonbe akoz zot pa'n krwar dan Lekritir; sa ti zot desten.

2 Pyer 2:1

Parey ki ti annan bann fo profet parmi pep Izrael, pou osi annan bann fo ansennyan parmi zot. Sekretman, zot pou entrodwir bann fo doktrin destrikter. Zot pou menm renye zot Met ki'n sov zot. Zot pou menm atir destriksyon rapid lo zot.

2 Pyer 2:14

Zot regar i ranpli avek dezir pour komet adilter; zot pa zanmen komet ase pese. Zot atir bann ki feb dan zot pyez. Zot leker in byen antrennen dan dezir pour ganny larzan. Zot in ganny malediksyon!

2 Pyer 3:14

Alor, mon bann zanmi! An atandan sa zour, fer tou zefor posib, pour ki Bondye i trouv zot pir, san defo e dan lape avek li.

2 Pyer 3:2

Mazin bann parol ki bann sen profet in anonse, ensi ki bann komannman ki nou Senyer e Sover in donnen par zot bann zapot.

Let Zid 1:4

Annefe, i annan serten dimoun move ki'n antre sekretman parmi nou. Zot deform lansennyman konsernan lagras nou Bondye, pour zistifye zot lavi imoral. Zot rezet Zezi-Kri, nou sel Met e Senyer. Depi lontan, Lekritir in anons zot kondannasyon.