2 Pyer 2:21 - Labib An Kreol Seselwa

²¹ I ti ava'n preferab si zot pa ti'n zanmen konn semen lazistis, si, apre ki zot in konnen, zot detourn zot avek sa sen komannman ki zot ti'n resevwar.

2 Pyer 2:21 ပူးပေါင်းရင်းမြစ်များ

Psonm 125:5

Me sas bann ki swiv move semen. Lape lo Izrael!

Psonm 85:8

Mon pou ekout sa ki SENYER Bondye i annan pour li dir. I promet lape pour son pep, pour dimoun ki reste fidel anver li, me ki pa retonm dan menm betiz.

Proverb 12:28

I annan lavi lo semen lazistis; sa enn ki swiv sa semen pa pou mor.

Proverb 16:31

Seve blan i en kouronn laglwar ki sa enn ki'n mars lo semen lazistis i gannyen.

Ezekyel 18:24

Me si en dimoun zis i abandonn sa ki byen pour al fer sa ki mal e imit bann malfeter dan zot pratik degoutan, eski i pou viv? Tou bann bon aksyon ki i'n fer pou ganny oubliye. I pou mor, akoz tou son bann pese ek enfidelite ki i'n komet.

Ezekyel 23:13

Mon ti war ki zot ti'n tonm dan limoralite. Tou le de ti'n swiv menm semen.

Ezekyel 3:20

Si en dimoun zis i abandonn sa ki byen e konmans pratik sa ki mal, mon pou plas en pyez dan son semen. I pou mor. Si ou pa averti li son danze, i pou mor dan son pese. Son bann bon aksyon pase pa pou servi li; me ou, mon pou fer ou rann kont son lanmor.

Ezekyel 33:13

Si mon dir en zonm zis ki i pou viv, me li i krwar ki son bon lavi dan lepase pou sov li e i azir mal, okenn son bann bon aksyon avan pa pou annan valer; i pou mor dan son move kondwit.

Sofoni 1:6

Zot in tourn ledo avek SENYER, e pa'n rod SENYER ni konsilte li.

Matye 21:32

Zan ti vini pour montre zot lekel sa bon semen pour zot swiv, e zot pa ti oule krwar li. Me bann kolekter taks ek bann prostitye ti krwar li. Menm apre ki zot in war sa, zot pa ti sanz zot leker pour krwar li.”

Levanzil dapre Lik 12:47

Sa serviter ki ti konn lavolonte son met, me ki pa ti met li pare, ni fer sa ki son met ti oule, ava ganny en bon bate.

Levanzil dapre Zan 15:22

Si mon pa ti'n vin koz avek zot, zot pa ti pou koupab pour zot pese. Me aprezan zot nepli annan okenn leskiz pour zot pese.

Levanzil dapre Zan 9:41

Zezi ti reponn zot, “Si zot ti aveg zot pa ti pou koupab; me akoz zot dir: Nou war kler, alor zot pe reste dan zot pese.”

Romen 7:12

Lalwa li menm i sen, e komannman i sen, zis e bon.

Galat 6:2

Anmenn fardo kanmarad e zot ava obei lalwa Kris.

1 Tesalonisyen 4:2

Zot konn byen bann lansennyman ki nou'n donn zot sorti kot Senyer Zezi.

1 Timote 6:14

Obei bann komannman e reste konpletman pir e san repros, ziska ler nou Senyer Zezi-Kri ava retournen.

Ebre 10:26

Si nou kontinyen fer pese volonterman, apre ki nou'n konn laverite, pou nepli annan sakrifis ki kapab fer disparet nou pese.

Let Zak 4:17

Donk, sa enn ki konn fer sa ki byen me i pa fer li, i koupab; i komet en pese.

2 Pyer 3:2

Mazin bann parol ki bann sen profet in anonse, ensi ki bann komannman ki nou Senyer e Sover in donnen par zot bann zapot.

Let Zid 1:3

Mon bann zanmi! Mon ti vreman anvi ekri zot konsernan lafwa ki nou partaze. Me mon ti santi mwan dan lobligasyon pour ekri deswit sa let pour ankouraz zot konbat pour lafwa ki ti ganny transmet en fwa pour tou, avek bann ki Bondye in swazir.