2 Pyer 2:19 - Labib An Kreol Seselwa

¹⁹ Zot promet laliberte, tandis ki zot menm, zot lesklav bann plezir ki detri zot. Annefe, sakenn i lesklav sa ki domin li.

2 Pyer 2:19 ပူးပေါင်းရင်းမြစ်များ

Ezai 28:1

Maler lo bann soular dan pei Efraim, lavil dan laform en kouronn! I ganny byen dekore lo sa kolin ki domin son vale fertil. Me son labote i parey bann fler sek ki orn latet bann ki'n gonfle avek manze gra, ki'n soule avek diven.

Zeremi 23:9

La sa ki SENYER i deklare lo size bann profet: Mon leker i fer mal. Tou mon lekor pe tranble. Mon parey en zonm sou, en zonm ki'n tro bwar, akoz tou sa ki SENYER in fer, akoz bann parol ki i'n dir mwan.

Levitik 13:8

Pret ava reegzamin li. Si i remarke ki sa dart in fannen lo son lapo, pret ava deklar li enpir. I annan lalep.

Levanzil dapre Zan 8:34

Zezi ti reponn zot, “Mon dir zot, sa i laverite: Tou dimoun ki fer pese i lesklav pese.

Akt de Zapot 19:16

Sa zonm ki ti posede par sa move lespri ti sot lo zot, atrap zot e donn zot en bon bate, ki ti fer zot kit lakaz e taye touni avek blesir.

Galat 5:1

Kris in liber nou pour ki nou vin vreman lib. Alor, tenir for dan sa liberte e pa retonm dan lesklavaz.

Galat 5:13

Mon bann frer ek ser! Zot in ganny apele pour viv lib. Me selman, pa fer sa liberte en preteks pour viv dapre dezir zot natir. O kontrer, les zot ganny gide par lanmour pour servi kanmarad.

2 Timote 2:26

Alor, zot ava retourn dan zot bon sans e debaras zot dan pyez kot dyab in graponn zot, pour fer zot soumet anba son lavolonte.

Let Pol pour bann Tit 3:3

Annefe, nou osi, dan lepase, nou ti bet, rebel e dan lerer. Nou ti lesklav toudsort kalite pasyon ek plezir. Nou ti pe viv dan mesanste e dan lanvi; dimoun ti ay nou e nou ti ay kanmarad.

1 Pyer 2:16

Konport zot koman bann vre zonm lib. Pa itiliz zot liberte koman en tapi pour kouver sa ki mal, me azir koman bann serviter Bondye.

2 Pyer 1:4

Par sa laglwar ek sa bann mervey, Bondye in donn nou bann gran promes ki presye e enportan. Konmsa, kan zot ava resevwar sa bann promes, zot ava kapab sorti dan sa lemonn pouri avek tou son bann move dezir, e pran par dan son laglwar.

2 Pyer 2:20

Annefe, i annan ki'n sape anba move lenfliyans lemonn, gras a konnesans nou Senyer e Sover Zezi-Kri. Me, si zot les zot reganny atrape e reganny anpaye, e ganny bate, zot kondisyon i vin pir ki avan.