2 Pyer 2:17 - Labib An Kreol Seselwa

¹⁷ Sa bann zonm, zot parey bann sours ki'n sek, zot parey bann nyaz pouse par en tanpet. I annan en plas dan fernwanr rezerve pour zot.

2 Pyer 2:17 ပူးပေါင်းရင်းမြစ်များ

Zeremi 14:3

Bann sef in anvoy bann serviter rod delo; zot al kot bann sitern, me zot pa trouv delo. Zot retourn avek zot potao vid. Dekouraze, kanmi, zot kasyet zot ti kouver zot latet.

Oze 6:4

SENYER i reponn: Ki mon pou fer pour ou, Efraim? Ki mon pou fer pour ou, Zida? Ou lanmour i parey nyaz granmaten, parey laroze granmaten, ki disparet.

Matye 22:13

Alor, lerwa ti dir avek bann serviter: Anmar son lipye ek son lanmen e zet li deor dan fernwanr, la kot zot pou plere e grens ledan.”

Matye 25:30

Pran sa serviter initil e zet li deor dan fernwanr; la kot zot pou plere e grens ledan.”

Matye 8:12

Me bann ki ti ganny destinen pour Rwayonm, pou ganny zet deor dan fernwanr. La, zot pou plere e grens ledan.”

Efezyen 4:14

Alor, nou pou nepli parey bann zanfan ki ganny trennen par laroul, e pouse partou par nenport ki divan lansennyman ki dimoun rize i fannen pour antrenn lezot dan lerer.

Ebre 12:18

Zot pa ti apros keksoz ki zot ti kapab touse kan zot ti al ver montanny Sinai avek son dife feros, fernwanr, teneb, loraz.

2 Pyer 2:4

Annefe, Bondye pa ti eparny bann lanz ki ti koupab. I ti zet zot dan labim fernwanr kot zot in ganny ansennen pour zour zizman.

Let Zid 1:6

Mon rapel zot koman serten lanz ki pa ti satisfe avek pouvwar ki zot ti annan, ti abandonn zot prop demer. Alor, Bondye i'n gard zot ansennen pour touzour dan fernwanr, dan fon labim, pour sa gran zour zizman.