1 Samyel 10:16 - Labib An Kreol Seselwa

¹⁶ Sail ti reponn son tonton, “I ti asir nou ki bann bourik ti'n ganny trouve.” Me Sail pa ti dir li nanryen lo size larwayote ki Samyel ti'n koz lo la.

1 Samyel 10:16 ပူးပေါင်းရင်းမြစ်များ

Egzod 4:18

Moiz ti retourn kot son boper Zetro. I ti dir li, “Les mwan retourn kot mon bann frer ki Lezip e war si zot ankor vivan.” Zetro ti dir Moiz, “Al anpe.”

Proverb 12:23

En dimoun pridan i kasyet sa ki i konnen; me en fou i dir en ta betiz.

Proverb 29:11

En fou i tal tou son bann santiman; me sa enn ki saz i reste kalm.

Eklezyas 3:7

I annan en letan pour desire e en letan pour koud; en letan pour reste trankil e en letan pour koze.

Ziz 14:6

Lespri SENYER ti pran kontrol Sanmson. Avek son lanmen pir, i ti desir sa lyon an de parey ler ou desir en pti kabri. Me i pa ti rakont son papa ni son manman sa ki i ti'n fer.

Ziz 14:9

I ti pran en pe dimyel dan son lanmen e manze pandan ki i ti pe marse. Ler i ti ariv kot son papa ek son manman, i ti donn zot en pe sa dimyel ki zot ti manze. Me i pa ti dir zot ki i ti'n ranmas sa dimyel dan karkas sa lyon.

1 Samyel 10:15

Tonton Sail ti demande, “Dir mwan ki Samyel ti dir ou.”

1 Samyel 9:20

Konsernan sa bann bourik ki ou'n perdi depi trwa zour, pa bezwen trakase, zot in ganny trouve. Lekel ki pou ganny tou sa bann keksoz presye dan Izrael? Pa i pou vin pour ou e pour ou fanmir?”

1 Samyel 9:27

Letan zot ti ariv kot laport sorti lavil, Samyel ti dir Sail, “Dir ou serviter pas devan nou.” Sa serviter ti pas devan. “Ou, reste en pti moman isi e mon ava fer ou konnen sa ki Bondye in dir.”