1 Pyer 3:21 - Labib An Kreol Seselwa

²¹ Sa ti reprezant batenm, ki pa pirifye lekor, me ki en larepons ki nou fer Bondye avek en konsyans pir. I sov zot gras a rezireksyon Zezi-Kri

1 Pyer 3:21 ပူးပေါင်းရင်းမြစ်များ

Zakari 13:1

Sa zour, en sours pou ouver pour tribi David e pour bann zabitan Zerizalenm. I pou pirifye zot pese ek zot bann lespri enpir.

Matye 28:19

Al parmi zabitan bann nasyon, e fer zot vin mon bann disip. Batiz zot lo non Papa, lo non Garson e lo non Lespri Sen.

Mark 16:16

Sa enn ki ava krwar e ki ava ganny batize, pou ganny sove. Me sa enn ki pa krwar, pou ganny kondannen.

Levanzil dapre Zan 13:9

Simon Pyer ti reponn li, “Alor, Senyer! Pa zis mon lipye, me lav osi mon lanmen ek mon latet.”

Akt de Zapot 16:33

Menm si ti tar dan lannwit, gardyen ti anmenn Pol ek Silas lav zot bann blesir. Deswit, li avek son fanmir antye, zot ti ganny batize.

Akt de Zapot 2:38

Pyer ti reponn zot, “Sanz zot mannyer viv e ki sakenn i ganny batize lo non Zezi-Kri, pour li ganny pardon son bann pese. Alor, zot ava resevwar kado Bondye: Lespri Sen.

Akt de Zapot 22:16

Aprezan, pa tarde. Leve! Ganny batize. Envok son non, pour ki ou bann pese i ganny lave.”

Akt de Zapot 8:36

Zot ti kontiny zot vwayaz e ariv dan en landrwa kot ti annan delo. Sa zofisye ti dir, “I annan delo la! Kwa ki anpes mwan ganny batize?”

Akt de Zapot 8:37

Filip ti dir li, “Ou kapab ganny batize, si ou krwar avek tou ou leker.” Sa zonm ti reponn, “Mon krwar ki Zezi-Kri i Garson Bondye.”

Romen 5:14

Pourtan, depi Adan ziska Moiz, lanmor ti domin lo tou zonm, menm bann ki pa'n komet menm pese parey Adan ki ti dezobei lord Bondye.

1 Korentyen 12:13

Nou tou, Zwif oubyen non-Zwif, lesklav oubyen dimoun lib, nou'n ganny batize dan en sel Lespri, pour vin en sel lekor. Nou tou, nou'n bwar dan en sel Lespri.

1 Korentyen 4:6

Mon bann frer ek ser! Mon'n servi sa konparezon ant mwan ek Apolos pour enstri zot. Konmsa, par nou legzanp, zot ava aprann pour pa fer plis ki sa ki'n ganny ekri. Personn pa devre fer vantar pour fer preferans pour enn e mepriz en lot.

2 Korentyen 1:12

La sa ki fer nou fyer: Nou konsyans i dir nou ki nou kondwit dan lemonn, e sirtou anver zot, in avek senplisite ek senserite devan Bondye; non pa avek lasazes imen, me avek lagras Bondye.

2 Korentyen 7:1

Mon bann zanmi! Tou sa bann promes i pour nou. Alor, annou pirifye nou kont tou sa ki sali lekor ek lespri. Annou fer tou pour vin konpletman sen, an vivan dan respe anver Bondye.

Galat 3:27

Wi! Zot tou ki'n ganny ini avek Kris par zot batenm, zot in osi ganny abiye par Kris.

Efezyen 5:26

I'n fer sa pour konsakre Legliz pour Bondye, apre ki i'n pirifye li par delo ek laparol.

Kolosyen 2:12

Annefe, kan zot ti ganny batize, zot ti'n ganny met dan tonbo avek Kris. Zot in krwar dan pwisans Bondye ki'n resisit li dan pouvwar bann mor.

1 Timote 1:5

Sa lord ki mon donn ou, i annan pour bi prodwir lanmour ki sorti dan en leker pir, en bon konsyans ek en lafwa senser.

1 Timote 6:12

Konbat sa bon konba pour lafwa. Sezi lavi eternel pour lekel Bondye in apel ou kan ou ti fer sa zoli deklarasyon lo ou lafwa, dan prezans en kantite temwen.

Ebre 10:22

Alor, annou apros ver Bondye avek en leker senser, ranpli avek konfyans, avek en leker pirifye avek tou sa ki donn en move konsyans e en lekor lave avek en delo pir.

Ebre 11:19

I ti mazinen dan li menm ki Bondye i menm annan sa pouvwar pour resisit en dimoun ki'n mor. Pour sa rezon, Abrahanm ti reganny son garson. Sa levennman i annan en valer senbolik.

Ebre 13:18

Priy pour nou. Nou sir ki nou annan en konsyans kler, akoz nou oule touzour donn legzanp.

Ebre 9:14

Si i konmsa, eski disan Kris pa pou annan plis lefe? Par Lespri ki eternel, in ofer li menm avek Bondye, koman en sakrifis parfe. Alor, son disan ava pirifye nou konsyans kont bann move aksyon, pour nou kapab servi Bondye ki vivan.

Ebre 9:24

Annefe, Kris pa'n antre dan kopi en sanktyer ki'n fer par zonm, me i'n antre dan lesyel menm, pour prezant li menm devan Bondye pour nou.

1 Pyer 1:3

Annou loue Bondye e Papa nou Senyer Zezi-Kri! Dan son gran bonte, apre ki i ti resisit Zezi-Kri, i'n fer nou reviv pour en lesperans ki vivan,

1 Pyer 3:16

Me fer li avek bonte, respe e avek en bon konsyans. Konmsa, lo sa pwen ki zot ganny akize, sa bann ki dir dimal lo zot bon mannyer viv dan Kris, ava onte.