1 Pyer 3:2 - Labib An Kreol Seselwa

² Zot ava war ki zot kondwir zot dan en fason ki pir e respektab.

1 Pyer 3:2 ပူးပေါင်းရင်းမြစ်များ

Efezyen 5:33

Me i osi aplik pour zot: Fodre ki sak mari i kontan son fanm parey son prop lekor e ki sak fanm i annan respe pour son mari.

Efezyen 6:5

Bann serviter! Zot devre obei zot met lo later avek bokou respe, e travay dan son servis onnetman, parey ou ti ava fer si ou ti pe servi Kris.

Filipyen 1:27

Me i enportan ki zot konport zot dan en fason diny anver Bonn Nouvel Kris. Alor, ki mon vin war zot, oubyen ki mon pa vini, mon swete tande ki zot pe reste ini solidman dan en menm lespri; ki ansanm, avek en menm leker, zot pe konbat pour lafwa ki baze lo Bonn Nouvel.

Filipyen 3:20

Me nou, nou bann sitwayen lesyel, ki pe esper avek enpasyans nou Sover, Senyer Zezi-Kri ki pou retournen sorti dan lesyel.

Kolosyen 3:22

Serviter! Obei zot bann met lo later dan tou keksoz. Pa fer li zis kan zot met i war zot, zis pour fer plezir, me fer li avek en leker senser, par respe pour Senyer.

1 Timote 4:12

Pa les personn mepriz ou akoz ou ankor zenn, me donn legzanp bann krwayan dan ou fason koze, dan ou mannyer viv, dan ou lanmour, ou lafwa ek en lavi pir.

1 Pyer 1:15

Parey Bondye ki'n apel zot i sen, zot osi, vin sen dan tou zot kondwit.

1 Pyer 2:12

Kondwir zot byen parmi bann nasyon. Konmsa, menm si sa bann dimoun i dir dimal lo zot e tret zot koman bann malfeter, zot bann bon aksyon ava ganny rekonnet e zot ava rann glwar Bondye zour son zizman.

1 Pyer 3:1

Zot bann fanm, zot devre aksepte lotorite zot mari. Konmsa, si i annan ki refize krwar dan Parol Bondye, zot ava kanmenm kapab aksepte lafwa, gras a zot kondwit.

1 Pyer 3:3

Pa rod fason fer zot zoli par bann mwayen eksteryer, dan mannyer zot penny zot seve, avek bizou annor, zoli lenz ki kout ser.

2 Pyer 3:11

Akoz tou pou ganny detri konmsa, ki kalite lavi zot devre viv? Zot devre anmenn en lavi sen avek respe pour Bondye.