1 Pyer 2:15 - Labib An Kreol Seselwa

¹⁵ Annefe, sa ki Bondye i oule, se ki par zot bann bon aksyon, zot ferm labous bann ki stipid ek bann ki bet.

1 Pyer 2:15 ပူးပေါင်းရင်းမြစ်များ

Liv Zob 2:10

Me i ti reponn li, “Ou koz koman en fanm fol! Bondye i donn nou sa ki bon e i anvoy maler osi!” Dan tousala, Zob pa ti dir nanryen kont Bondye.

Liv Zob 5:16

Alor, pour bann pov i annan lespwar, e lenzistis i ferm son labous.

Psonm 107:42

I dan lazwa ler i war dimoun ki leker i pir. Labous bann malfeter i fermen.

Psonm 5:5

Dimoun arogan pa reste dan ou prezans; ou deteste dimoun ki fer sa ki mal.

Proverb 9:6

Aret frekantasyon bann inyoran e zot ava viv. Pran semen disernman.

Zeremi 4:22

Mon pep i san konpran. Zot pa konn mwan koman zot Bondye. Zot parey bann zanfan fou, ki pa konpran nanryen. Zot eksper dan fer sa ki mal, me zot pa konn fer sa ki byen.

Matye 25:2

Senk parmi sa bann fiy ti fol e senk ti saz.

Matye 7:26

Me en dimoun ki ekout mon bann parol e ki pa met zot an pratik, pou parey en zonm fou ki konstri son lakaz lo disab.

Romen 1:21

Zot konn Bondye, me zot napa okenn respe pour li; zot pa ni menm remersye li koman i fodre. O kontrer zot in vin konpletman fou, e zot lespri san disernman i dan teneb.

Galat 3:1

Bann Galat fou! Lekel ki'n zet sor lo zot? Pourtan, zot in ganny en deskripsyon kler lo Zezi-Kri ki'n ganny krisifye.

Deterononm 32:6

Pep ensanse e fou! Konmsa ki ou remersye SENYER? Pa li ou papa ki'n kree ou, ki'n form ou e ki'n fer ou vin en pep?

1 Tesalonisyen 4:3

Annefe, lavolonte Bondye, se ki zot vin sen; ki zot prezerv zot kont limoralite.

1 Tesalonisyen 5:18

Dan tou sirkonstans, remersye Bondye. Sa i lavolonte Bondye pour zot avek Zezi-Kri.

1 Timote 1:13

menm si dan letan pase mon ti blasfenm li, persekit li e ensilte li. Me li, i'n tret mwan avek konpasyon, akoz mon ti fer tousala dan linyorans, san lafwa.

Let Pol pour bann Tit 2:8

Swazir ou bann parol, pour ki personn pa kapab kritike. Konmsa, ladverser ava kanmi akoz i pou napa okenn keksoz mal pour dir lo nou.

Let Pol pour bann Tit 3:3

Annefe, nou osi, dan lepase, nou ti bet, rebel e dan lerer. Nou ti lesklav toudsort kalite pasyon ek plezir. Nou ti pe viv dan mesanste e dan lanvi; dimoun ti ay nou e nou ti ay kanmarad.

1 Pyer 2:12

Kondwir zot byen parmi bann nasyon. Konmsa, menm si sa bann dimoun i dir dimal lo zot e tret zot koman bann malfeter, zot bann bon aksyon ava ganny rekonnet e zot ava rann glwar Bondye zour son zizman.

1 Pyer 3:16

Me fer li avek bonte, respe e avek en bon konsyans. Konmsa, lo sa pwen ki zot ganny akize, sa bann ki dir dimal lo zot bon mannyer viv dan Kris, ava onte.

1 Pyer 3:17

Vomye soufer an fezan dibyen, si sa i lavolonte Bondye, plito ki fer sa ki mal.

1 Pyer 4:2

pour li viv leres son lavi, non pa dapre son dezir imen, me dapre lavolonte Bondye.

2 Pyer 2:12

Me sa bann zans, zot azir avek zot lensten, parey bann zannimo sovaz ki'n ne zis pour ganny atrape e touye. Zot ensilte dimoun ki zot pa ni menm konnen. Zot pou ganny detri parey sa bann zannimo sovaz.

Let Zid 1:10

Me sa bann zonm pe ensilte sa ki zot pa konnen. Zot konn zis par zot lensten, parey zannimo sovaz. Sa pe fer zot maler.