1 Pyer 1:2 - Labib An Kreol Seselwa

² Pour tou bann ki'n ganny swazir e destinen pour ganny sove par Bondye nou Papa, e ki'n vin en pep sen par Lespri pour obei Zezi-Kri, e ganny pirifye par son disan, nou demann lagras ek lape annabondans pour zot.

1 Pyer 1:2 ပူးပေါင်းရင်းမြစ်များ

Ezai 55:7

Bann move dimoun devre sanz zot mannyer viv. Bann ki mazin fer sa ki mal devre abandonn zot move lespri e retourn ver SENYER ki ava pran konpasyon pour zot, ver nou Bondye, akoz i pardonn tou avek zenerozite.

Ezai 65:22

Zot pa pour konstri lakaz pour ki en lot i reste ladan. Zot pa pou plante pour ki en lot i manz son fri, akoz lavi mon pep pou dire parey en pye dibwa e sa bann ki mon'n swazir, pou profit travay ki zot in fer par zot lanmen.

Ezai 65:9

Mon pou fer sorti en desandan dan Zakob. Dan Zida pou sorti en zeritye; bann ki mon'n swazir pour erit mon bann montanny la kot mon bann serviter pou enstal zot.

Danyel 4:1

Mesaz lerwa Naboukodonozor pour tou bann pep, tou bann nasyon, ki koz diferan langaz, atraver later antye: Soue lape ek gran prosperite!

Danyel 6:25

Apre sa, lerwa Dariis ti ekri tou bann pep, tou nasyon dan diferan pei e tou langaz atraver later antye: Mon swete ki zot ava ganny en gran lape!

Levitik 1:5

I ava egorz sa zannimo devan SENYER. Alor bann pret, bann garson Aaron, ava prezant disan e asperz otour lotel ki dan lantre Latant Rankont.

Matye 24:22

Me si Bondye pa ti'n rakoursi sa bann zour, personn pa ti pou ganny sove. Me Bondye in rakoursi sa bann zour, akoz son pep ki i'n swazir.

Matye 24:24

Annefe, bann fo mesi ek bann fo profet pou aparet. Zot pou fer bann gran mirak ek bann gran siny, si posib pour tronp menm bann ki Bondye in swazir.

Matye 24:31

I pou anvoy son bann lanz avek en gran tronpet. Zot ava rasanble bann ki'n ganny swazir dan kat kwen later, depi en bout ziska lot.”

Mark 13:20

Si Senyer pa ti'n rakoursi sa bann zour, personn pa ti pou ganny sove. Me in rakoursi sa bann zour, akoz bann ki i'n swazir.

Mark 13:22

Annefe, bann fo mesi ek bann fo profet pou aparet. Zot pou fer bann siny ek bann mirak pour tronp zot, e si posib, menm bann ki Bondye in swazir.

Mark 13:27

Alor, i pou anvoy bann lanz dan kat kwen lemonn, depi later ziska lesyel, pour rasanble tou bann ki'n ganny swazir.”

Levanzil dapre Lik 18:7

Eski Bondye pa pou rann lazistis bann ki i'n swazir e ki priy li lizour koman aswar? Eski i pou fer zot espere?

Akt de Zapot 15:18

li menm ki'n fer konn son bann plan depi byen lontan.

Akt de Zapot 2:23

Sa zonm ki Bondye, par son prop volonte e konnesans, ti'n etabli davans dan son plan, i'n ganny livre dan zot lanmen. Bann zonm kriminel ti touy li e klout li lo lakrwa.

Akt de Zapot 20:32

Aprezan, mon konfye zot avek Bondye, e avek parol son lagras. I annan pouvwar fer zot progrese dan lafwa. I kapab donn zot son bann byen ki i rezerv pour son pep.

Romen 1:5

Par li, nou'n resevwar lagras ek misyon koman zapot pour anmenn bann nasyon krwar dan li e obeir li.

Romen 1:7

Mon ekri zot zabitan Ronm, zot tou ki Bondye i kontan e ki i'n swazir pour viv pour li: Mon demande ki Bondye nou Papa, e Senyer Zezi-Kri i akord zot son lagras ek son lape.

Romen 11:2

Bondye pa'n rezet son pep ki i'n swazir davans. Zot konnen, sa ki Lekritir i dir dan sa pasaz kot Eli i plennyen devan Bondye kont Izrael,

Romen 11:28

Bann Zwif in vin lennmi Bondye akoz zot ti refiz Bonn Nouvel. Sa in tourn pour zot byen. Me si ou konsider swa ki Bondye in fer, bann Zwif in touzour zanmi Bondye, akoz zot bann zanset.

Romen 15:16

pour fer mwan vin serviter Zezi-Kri pour bann pep ki non-Zwif. Mon pe fer en servis sakre, anonsan Bonn Nouvel Bondye, pour ki bann non-Zwif i vin en lofrann agreab pour Bondye, konsakre par Lespri Sen.

Romen 16:19

Annefe tou dimoun i konn zot lobeisans pour Senyer. Sa i fer mwan plezir. Me mon ti ava kontan ti zot vin pli saz pour fer sa ki byen; plis ankor, pour evit fer sa ki mal.

Romen 16:26

Me la aprezan, sa mister i'n ganny revele e anonse avek tou bann nasyon, par sa ki bann profet in ekri, dapre lord Bondye eternel, pour ki zot ariv dan lobeisans par lafwa.

Romen 8:13

Annefe, si zot viv dapre zot prop natir, zot pou mor. Me si par Lespri, zot touy bann aksyon zot natir egois, zot ava viv.

Romen 8:33

Lekel ki pou akiz sa bann ki Bondye in swazir? Personn, akoz Bondye ki deklar zot non koupab.

1 Korentyen 1:30

Me Bondye in ini zot avek Zezi-Kri ki i'n fer vin nou lasazes: Kris ki rann nou zis devan Bondye, ki permet nou viv pour Bondye e ki delivre nou dan pese.

1 Korentyen 6:11

Konmsa ki serten parmi zot ti ete. Me zot in ganny lave, pirifye, zistifye devan Bondye, lo non Senyer Zezi-Kri e par Lespri nou Bondye.

2 Korentyen 10:5

Nou demoli tou miray lopozisyon kont konnesans Bondye. Nou fer prizonnyen tou panse pour fer zot obei Kris.

Deterononm 7:6

Ou en pep sen, konsakre pour SENYER, ou Bondye. SENYER, ou Bondye in swazir ou parmi tou bann pep lo later pour fer ou vin son pep.

Kolosyen 3:12

Alor, koman en pep ki Bondye in swazir, en pep konsakre pour li e ki i kontan, ranpli zot avek konpasyon, labonte, limilite, ladouser ek lapasyans.

2 Tesalonisyen 2:13

Kanta nou, frer ek ser! Nou devre toultan remersye Bondye pour zot, ki Senyer i kontan. Annefe, Bondye in swazir zot an premye pour li sov zot, par Lespri ki rann zot lavi sen, e gras a zot lafwa dan laverite.

2 Timote 2:10

Pour sa rezon, mon siport tou pour sa bann ki Bondye in swazir. Konmsa zot osi, zot ganny sove dan Zezi-Kri e zot ganny laglwar eternel.

Let Pol pour bann Tit 1:1

Sa let i sorti kot Pol, serviter Bondye, e zapot Zezi-Kri, pour anmenn dan lafwa tou bann ki Bondye in swazir, e dan konnesans laverite, pour zot viv koman Bondye i oule nou viv,

Ebre 10:22

Alor, annou apros ver Bondye avek en leker senser, ranpli avek konfyans, avek en leker pirifye avek tou sa ki donn en move konsyans e en lekor lave avek en delo pir.

Ebre 11:28

Par lafwa, i ti selebre Pak e donn lord pour asperz disan lo laport bann lakaz, pour ki lanz ki donn lanmor, pa touy bann premye ne parmi pep Izrael.

Ebre 12:24

Zot in apros avek Zezi, medyater nouvo lalyans, e avek son disan verse, ki koz dan en mannyer pli favorab ki disan Abel.

Ebre 5:9

Ler i ti'n ganny laperfeksyon, i'n vin sours delivrans eternel pour tou bann ki obei li.

1 Pyer 1:14

Fer koman bann zanfan obeisan. Pa les bann dezir ki zot ti annan kan zot ti ankor dan linyorans, kontrol zot.

1 Pyer 1:19

me par disan presye Kris, ki'n ofer li menm koman en zenn mouton san defo e san okenn tas.

1 Pyer 1:20

I ti'n ganny swazir davans, avan kreasyon lemonn, me i'n ganny prezante pour zot dan sa dernyen letan.

1 Pyer 1:22

Zot, zot in ganny pirifye par zot lobeisans anver laverite, pour zot kontan kanmarad senserman koman bann frer. Donk, kontan kanmarad bokou avek en leker pir.

1 Pyer 2:9

Me zot, zot en ras ki'n ganny swazir, en group pret rwayal, en nasyon sen, en pep ki pour Bondye. I'n swazir zot. In fer zot sorti dan fernwanr pour pas dan son lalimyer merveye, pour proklanm son bann mervey.

2 Pyer 1:2

Mon swete ki zot resevwar lagras ek lape annabondans, par konnesans Bondye ek Zezi, nou Senyer.

2 Zan 1:1

Sa let i sorti kot Ansyen, pour sa gran Madanm, swazi par Bondye ek son bann zanfan, ki mon kontan bokou dan laverite. Pa zis mwan ki kontan ou, me osi tou bann ki konn laverite.

2 Zan 1:13

Bann zanfan ou ser, ki'n ganny swazi par Bondye, i fer zot tou salanm.

Let Zid 1:2

Mon demande ki Bondye ava akord zot pardon, lape ek lanmour annabondans.