1 Kronik 17:6 - Labib An Kreol Seselwa

⁶ Partou kot mon'n pase avek pep Izrael antye, eski mon'n deza dir en parol lo sa size bann ziz Izrael avek ki mon ti'n donn lord pour diriz mon pep? Eski mon'n deza dir: Akoz ou pa'n konstri en lakaz an sed pour mwan?

1 Kronik 17:6 ပူးပေါင်းရင်းမြစ်များ

2 Samyel 7:7

Partou, mon'n akonpanny pep Izrael. Eski mon'n deza demann okenn sef bann tribi Izrael ki mon'n swazir pour vey lo mon pep Izrael: Akoz ou pa'n konstri en lakaz an bwa sed pour mwan?

1 Rwa 8:16

Depi sa zour ki mon'n fer mon pep Izrael sorti Lezip, mon pa'n zanmen swazir en lavil parmi tou bann tribi Izrael kot pou konstri en lakaz ki port mon non; me mon'n swazir David pour fer li vin sef mon pep Izrael.

1 Kronik 11:2

Dan lepase, menm kan Sail ki ti lerwa, ou ki ti nou sef e ki ti diriz Izrael dan lager e retourn avek zot. SENYER ou Bondye ti dir ou: Se ou ki berze mon pep, Izrael; e ou ava vin sef mon pep, Izrael.

1 Kronik 17:7

Alor, la sa ki ou ava dir mon serviter David: La sa ki SENYER liniver i deklare: Mwan ki'n pran ou dan laplenn deryer bann troupo mouton pour fer ou vin sef mon pep Izrael.

Zeremi 23:4

Mon pou donn zot bann bon berze pour diriz zot, ki pou pran swen avek zot. Avek zot, mon pep pou nepli per, ni konn lafreyer; pa pou annan enn ki pou manke; SENYER i deklare.

Ezekyel 34:2

Ou ki en imen, pronons mon parol kont bann berze Izrael. La sa ki Senyer BONDYE i deklare: Maler lo zot, bann berze Izrael, ki pran ka zis avek zot prop lekor! Eski bann berze pa devre pe okip zot bann mouton?

Mise 5:4

Ou pou leve e nouri zot avek pwisans SENYER, avek mazeste non SENYER, son Bondye. Son pep ava viv an sekirite, e li, i ava ganny glorifye partou dan lemonn.

Matye 2:6

Ou Betlehenm, dan later Zida! Ou sertennman pa mwen enportan parmi bann lavil dan Zida. Annefe, kot ou, pou sorti en sef ki pou vin berze Izrael, mon pep.”

Akt de Zapot 13:20

Tousala in dire pandan anviron 450 an. Apre sa, i ti donn zot bann ziz ziska lepok profet Samyel.

2 Korentyen 6:16

Ki Tanp Bondye i annan an komen avek bann zidol? Annefe, nou menm ki tanp Bondye vivan. Parey Bondye in deklare: Mon pou mars parmi zot; mon pou vin zot Bondye e zot ava vin mon pep.

Deterononm 23:14

Akoz SENYER, ou Bondye i avek ou dan kan pour li protez ou e donn ou laviktwar lo ou bann lennmi, ou kan i devret en landrwa sen, pour ki SENYER pa war nanryen ki fer onte parmi zot e vir son ledo kont ou.

Revelasyon 2:1

Ekri Lanz Legliz dan Efez: La sa ki sa enn ki tenir sa set zetwal dan son lanmen drwat e ki mars parmi sa set portlanp annor i deklare:

1 Samyel 12:11

SENYER ti anvoy Yeroub-Baal; apre, Bedann, Zefte ek Samyel. I ti delivre zot dan lanmen zot bann lennmi ki ti pe anserkle zot e zot ti kapab reste an sekirite.