1 Kronik 17:12 - Labib An Kreol Seselwa

¹² I pou konstri en lakaz pour mwan e mon pou etabli son tronn pour touzour.

1 Kronik 17:12 ပူးပေါင်းရင်းမြစ်များ

Danyel 2:44

Dan lepok sa bann lerwa, Bondye lesyel pou etabli en rwayonm ki pa pou zanmen ganny detri; sa rwayonm pa pou zanmen pas avek en lot pep. I pou kraz tou sa bann rwayonm e detri tou konpletman; me li, i pou reste pour touzour.

Ezai 9:7

Son lotorite pou kontinyen grandi e lape pou rennyen pour touzour pour tronn David ek son rwayonm. I pou etabli son renny e rann li solid lo lalwa ek lazistis, apartir ozordi e pour touzour. SENYER liniver pou fer tousala akoz son gran lanmour.

1 Rwa 5:5

Mon'n deside konstri en tanp konsakre pour SENYER mon Bondye. Annefe, SENYER ti'n deklare avek mon papa David: Ou garson, sa enn ki mon pou swazir pour ranplas ou lo tronn, ki pou konstri sa tanp an loner mon non.

Revelasyon 11:15

Setyenm lanz ti soufle dan son tronpet. Dan lesyel, bann lavwa tre for ti rezonnen. Zot ti pe dir: Aprezan, rwayonm lemonn in vin pour nou Senyer, e pour son Kris. I pou rennyen pour touzour.

Kolosyen 2:9

Annefe, Kris i posed dan son lekor, tou natir konplet Bondye.

1 Korentyen 15:25

Annefe, fodre ki Kris i rennyen ziska ki i'n met tou son bann lennmi anba son lipye.

Psonm 89:29

Mon pou etabli son desandans pour touzour; e son tronn pou dire osi lontan ki lesyel i egziste.

Psonm 89:4

Mon pou veye ki ou ava touzour annan enn ou desandan lo tronn.

Esdras 5:11

La repons ki zot ti donn nou: Nou bann serviter Bondye lesyel ek later e nou pe rekonstri sa tanp ki ti'n konstri plizyer lannen oparavan. En gran lerwa Izrael ki ti konstri e konplet li.

1 Rwa 8:19

Me, pa ou ki pou konstri sa lakaz, me ou garson. Se ou prop garson ki'n sorti avek ou, ki pou konstri en lakaz pour mwan.

1 Kronik 17:11

Zour ou lanmor i arive, mon pou swazir enn parmi ou prop garson pour ranplas ou koman lerwa e mon pou konsolid son rwayonm.

1 Kronik 17:13

Mon pou vin son papa e i pou vin mon garson. Mon pa pou retir mon fidelite anver li, parey mon ti fer avek sa bann ki ti la avan.

Psonm 72:17

Son non ava ganny selebre pour touzour; son repitasyon ava dire pour touzour e bann pep ava pronons son non pour zot beni kanmarad. Tou bann nasyon i deklar li byennere!

Psonm 89:5

SENYER! Lesyel i selebre ou mervey, e ou fidelite dan lasanble bann sen!