Zozye 9:27 - Labib An Kreol Seselwa

²⁷ I ti fer zot al koup dibwa e sarye delo pour lakominote e pour lotel SENYER, landrwa kot SENYER ava swazir, menm ziska ozordi.

Zozye 9:27 ပူးပေါင်းရင်းမြစ်များ

2 Kronik 2:16

Nou, dan Liban, nou ava koup tou dibwa ki ou bezwen, nou ava met zot ansanm e anmenn ziska Zafa; apre ou ava transport li ziska Zerizalenm.

Nonm 31:28

Dan par bann zonm ki ti al lager, tir en par pour SENYER: En zonm lo sak 500, en zannimo lo sak 500, bef, bourik, kabri ek mouton.

Nonm 31:30

Lo lanmwatye ki vin pour pep Izrael, ou ava pran enn lo sak 50 dimoun, bef, bourik, mouton oubyen kabri, ek tou zannimo. Ou ava donn sa bann levit ki asir servis dan Latant prezans SENYER.

Nonm 31:47

Parey SENYER ti'n ordonn li, Moiz ti tir lo par pep Izrael 50 zonm ek zannimo. I ti donn sa avek bann levit ki ti responsab servis dan tanp SENYER.

Deterononm 12:11

Alor, zot ava anmenn kot SENYER, zot Bondye dan sa landrwa ki i ava'n swazir pour manifeste prezans son non, tou sa ki mon'n dir zot: Zot bann sakrifis konplet, zot bann sakrifis lape, zot bann ladim, zot bann donasyon, tou bann lofrann volonter ki zot ava ofer anver SENYER.

Deterononm 12:14

me zis la kot SENYER ava swazir parmi enn ou bann tribi, la kot ou ava ofer ou bann sakrifis konplet. Se la osi kot ou ava fer tou sa ki mon ordonn ou.

Deterononm 12:5

Me zot ava rod sa landrwa ki SENYER, zot Bondye ava swazir parmi zot bann tribi, pour ki son non i reste prezan, partou kot zot ava ale.

Zozye 9:21

Bann responsab ti dir, “Les zot viv.” Alor, zot ti al koup dibwa e sarye delo pour lakominote antye, parey bann responsab ti'n dir.

Zozye 9:26

La ki mannyer zot ti ganny trete: Zozye ti delivre zot dan lanmen bann Izraelit ki pa ti touy.