Zozye 8:33 - Labib An Kreol Seselwa

³³ Tou bann Izraelit, zot bann ansyen, zot bann sef e zot bann ziz, bann etranze ki ti pe reste parmi zot, ti debout lo sak kote, anfas avek Kof Lalyans SENYER ki bann pret-levit ti pe anmennen. Lanmwatye parmi zot ti plas zot lo kote montanny Garizim e lot lanmwatye lo kote montanny Ebal, parey Moiz, serviter SENYER ti'n ordonnen, pour zot beni pep Izrael.

Zozye 8:33 ပူးပေါင်းရင်းမြစ်များ

Egzod 12:49

I ava annan en menm lalwa pour bann sitwayen e pour bann etranze ki reste parmi zot.”

Levitik 24:22

Menm lalwa ava aplik pour en etranze koman pour en Izraelit.

Nonm 15:15

Pou annan en menm regleman pour zot kominote e pour bann etranze ki parmi zot. Sa i pou en re-gleman pour touzour.

Nonm 15:16

En sel lalwa pou aplik pour zot e pour bann etranze ki reste parmi zot.

Nonm 15:29

Menm lareg ava aplik pour bann natif Izraelit e pour bann etranze ki reste parmi zot. Menm lalwa ava aplik pour zot tou, ler zot fer en pese envolonter.

Levanzil dapre Zan 4:20

Nou bann zanset ti ador Bondye lo sa montanny, me zot Zwif, zot dir nou devre ador Bondye Zerizalenm.”

Deterononm 11:29

Kan SENYER, ou Bondye in anmenn ou dan sa pei kot ou pe al antre pour pran posesyon, ou ava pronons benediksyon lo montanny Garizim e malediksyon lo montanny Ebal.

Deterononm 31:12

Ou ava rasanble lepep: Zonm, fanm, zanfan, etranze ki pe reste dan ou bann lavil, pour ki zot antann e aprann respe pour SENYER, ou Bondye e obzerv byen tou bann parol sa lalwa.

Deterononm 31:25

i ti donn sa lord bann Levit ki ti pe anmenn Kof Lalyans SENYER. I ti dir:

Deterononm 31:9

Moiz ti ekri sa lalwa e donn avek bann pret, bann garson Levi ki ti anmenn Kof Lalyans SENYER e tou bann ansyen dan Izrael.

Zozye 23:2

Alor, i ti konvok pep Izrael antye ek bann ansyen, son bann sef, son bann ziz, son bann sekreter. I ti dir zot: Mon'n vye, e mon'n ariv en bon laz.

Zozye 24:1

Zozye ti fer rasanble tou bann tribi pep Izrael dan Sikenm. I ti konvok tou bann ansyen dan Izrael, bann sef, bann ziz, ek bann responsab; zot ti vin prezant zot devan Bondye.

Zozye 3:14

Ler lepep ti kit zot latant pou travers larivyer Zourden, bann pret ki ti anmenn Kof lalyans ti mars devan lepep.

Zozye 3:3

e donn lepep sa lord: Kan zot ava war bann pret-levit pe anmenn Kof Lalyans SENYER, zot Bondye, zot ava kit sa landrwa e swiv zot.

Zozye 3:6

Zozye ti dir bann pret, “Pran Kof lalyans e pas devan lepep.” Zot ti pran Kof lalyans e zot ti mars devan lepep.

Zozye 4:10

Bann pret ki ti pe anmenn Kof lalyans ti reste debout dan milye Larivyer Zourden, ziska ki tou sa ki SENYER ti'n ordonn Zozye pou dir lepep, ti'n ganny egzekite e parey sa ki Moiz ti'n ordonn Zozye.

Zozye 4:18

Ler bann pret ki ti pe anmenn Kof Lalyans SENYER ti sorti dan milye larivyer Zourden, e koman zot ti lev zot lipye pour al dan direksyon later, delo larivyer Zourden ti rekonmans koule e deborde lo sak kote, parey avan.

Zozye 6:6

Zozye, garson Noun, ti konvok bann pret. I ti dir zot, “Pran Kof lalyans. Set pret ava anmenn set tronpet korn bouk devan Kof Lalyans SENYER.”