Zozye 8:20 - Labib An Kreol Seselwa

²⁰ Kan bann zonm Ai ti get deryer zot, zot ti war zis lafimen ki pe monte dan lesyel. Ti nepli annan okenn landrwa pour zot al kasyet, e zot ti dekouraze.

Zozye 8:20 ပူးပေါင်းရင်းမြစ်များ

Zenez 19:28

I ti get dan direksyon Sodonm ek Gomor, e tou sa rezyon antye. I ti war lafimen monte sorti dan later, parey lafimen en fourno.

Liv Zob 11:20

Me lizye bann malfeter pou fatige. Zot pa pou war okenn semen sove. Lanmor pou zot dernyen lespwar.

Psonm 76:5

Bann brav gerye in ganny arase tou sa ki zot ti'n sezi. Zot in tonm dan zot dernyen sonmey. Personn parmi zot pa'n kapab servi zot lafors.

Ezai 34:10

I pou kontinyen brile lannwit koman lizour; lafimen pou mont ver lesyel pour touzour; i pou reste an rin pandan tou bann zenerasyon. Dimoun pou nepli pas par la.

Zozye 8:19

Koman i ti lev son lans, bann zonm ki ti'n kasyet ti sorti vitman dan zot landrwa kasyet. Zot ti fonse e antre dan lavil ki zot ti pran. Apre, zot ti depese pour met dife dan lavil.

Zozye 8:21

Ler Zozye ek tou bann Izraelit ti war ki lavil ti'n ganny atake par sirpriz e ki lafimen ti pe monte sorti dan lavil, zot ti fer demi tour e atak bann zonm Ai.

Revelasyon 18:9

Alor, kan zot pou war lafimen kot i pe brile, tou bann lerwa later ki'n komet move aksyon e fer letalaz larises avek li, pou plere e pou lamante lo son size.

Revelasyon 19:3

Zot ti dir ankor: Loue Senyer! Lafimen sa gran lavil i monte pour touzour.

Ziz 20:38

Dapre en sinyal ki zot ti'n tonm dakor parmi bann Izraelit, sa bann ki ti pe mont latak ti devre fer monte en gro lafimen sorti dan lavil.

Ziz 20:40

Me dan sa letan en kolonn lafimen epe ti pe konmans monte sorti dan lavil. Bann Benzamit ti rekile. Partou dan lavil, laflanm ti pe mont ver lesyel.

Ziz 20:41

Bann Izraelit ti vir lo zot. Bann Benzamit ti sezi avek laper ler zot ti war maler ki ti'n tap zot.