Zozye 8:1 - Labib An Kreol Seselwa

¹ SENYER ti dir Zozye, “Pa per, pa dekouraze! Pran ou bann gerye, monte e atak Ai. La mon livre dan ou lanmen lerwa Ai, son pep, son lavil ek son pei.

Zozye 8:1 ပူးပေါင်းရင်းမြစ်များ

Psonm 27:1

SENYER i mon lalimyer e mon sover. Lekel ki mon pou per? SENYER i mon protekter kont tou danze. Mon pa pou zanmen per.

Psonm 44:3

Pa avek zot lepe ki zot ti ganny sa pei; pa avek zot lafors, ki zot ti ganny laviktwar. Me par ou lanmen, par ou lafors, par lalimyer ou prezans, akoz ou ti kontan zot.

Psonm 46:11

SENYER liniver i avek nou; Bondye Zakob i nou labri.

Ezai 12:2

Bondye i mon sover. Mon pou fer li konfyans, mon pa pou per, akoz Senyer BONDYE i mon lafors e mon pwisans. Li menm ki sov mwan.

Ezai 43:2

Si ou travers lanmer, mon pou avek ou; si ou travers bann gran larivyer, ou pa pou ganny trennen. Si ou mars atraver dife, ou pa pou ganny brile, e bann laflanm pa pou fer ou dimal,

Zeremi 46:27

Me ou, Izrael, mon serviter! Mon pep! Pa bezwen per! Pep Izrael! Pa perdi kouraz! Mon pou sov ou, mon pou fer ou sorti dan pei lwenten, pei kot ou prizonnyen. Ou pou retourn dan ou pei kot ou ava viv anpe; ou pou an sekirite e personn pa pou vin fer ou per.

Zeremi 49:3

Zabitan Hesbonn! Kriye! Ai ki'n ganny devaste. Bann fiy Raba! Kriye. Met zot lenz dey e plere, taye tou dilon miray, akoz Milkonm, pou ganny deporte avek tou son bann pret ek bann sef.

Danyel 2:21

I sanz letan ek sezon, i ranvers en lerwa e etablir en lot lerwa; i donn lasazes bann saz e konnesans bann ki annan disernman.

Danyel 4:25

Ou pou ganny sase parmi bann imen, e ou pou viv parmi zannimo sovaz. Ou pou manz zerb parey bef; ou pou ganny kouver avek laroze lesyel. Set lannen pou pase, ziska ki ou aksepte ki Bondye Toupwisan i kontrol tou rwayonm imen e i donn sa ki i anvi.

Danyel 4:35

Tou zabitan later pa vo nanryen devan li. I tret mannyer i anvi bann zabitan lesyel ek later. Personn pa opoz son pwisans; personn pa demann li: Ki ou pe fer.

Matye 8:26

Zezi ti dir zot, “Akoz zot per? Zot napa lafwa!” Apre, i ti leve, e i ti reprimann divan ek delo lak, e movetan ti kalmi.

Deterononm 1:21

Gete! SENYER, ou Bondye in donn ou sa pei. Monte, al pran posesyon parey SENYER, Bondye ou bann zanset in promet zot; pa bezwen per, pran kouraz.

Deterononm 31:8

SENYER pou mars devan ou. I pou avek ou; i pa pou deles ou ni abandonn ou. Pa bezwen per ni tranble.”

Deterononm 7:18

Pa per zot! Zis mazin sa ki SENYER, ou Bondye ti fer Faraon ek Lezip antye,

Deterononm 7:21

Pa tranble devan zot, akoz SENYER, ou Bondye i avek ou; i en gran Bondye terib.

Zozye 1:9

Pa mon'n ordonn ou: Reste for, pran kouraz. Pa per, pa tranble, akoz SENYER, ou Bondye, i avek ou partou kot ou pou ale.

Zozye 10:7

Alor, Zozye ti kit Gilgal avek tou son larme ek son bann vayan gerye.

Zozye 10:8

SENYER ti dir Zozye, “Pa per zot, mon'n livre zot dan ou lanmen. Personn pa pou kapab tenir devan ou.”

Zozye 2:24

Zot ti dir Zozye, “Nou asire ki SENYER in donn nou sa pei. Tou bann zabitan pe tranble devan nou.”

Zozye 6:2

SENYER ti dir Zozye, “Gete! Mon'n livre Zeriko dan ou lanmen, son lerwa ek son bann vayan gerye.

Zozye 7:9

Bann Kananeen ek tou bann zabitan pei, ler zot pou antann sa ki'n arive, pou anserkle nou, detri nou e detri nou non dan sa pei. Ki mannyer ou pou fer rekonnet ou gran renonmen?”