Zozye 7:26 - Labib An Kreol Seselwa

²⁶ Zot ti met en gro ta ros lo li, ki ankor la ozordi. Alor, gran lakoler SENYER ti kalme. Pour sa rezon, sa vale i apel: Vale Akor ziska ozordi.

Zozye 7:26 ပူးပေါင်းရင်းမြစ်များ

2 Samyel 18:17

Zot ti pran lekor Absalon, e zet li dan en gran trou dan milye lafore, e zot ti met en gro ta ros lo li. Tou bann solda Izrael ti sov se zot.

2 Samyel 21:14

Bann lezo Sail ek Zonatan son garson ti ganny antere Sela, dan pei Benzamen, dan tonbo Kis, papa Sail; tou sa ki lerwa ti'n ordonnen ti ganny fer. Apre sa, Bondye ti montre son bonte anver pei.

2 Kronik 29:10

Aprezan, mon oule fer en lalyans avek SENYER, Bondye Izrael, pour ki i detourn son gran lakoler kont nou.

Esdras 10:14

Nou propoze ki nou bann sef i reprezant nou dan sa lasanble: Tou bann Izraelit ki'n marye avek en fanm etranze, ava vin prezant zot devan sa bann sef. Dan letan ki ava ganny fikse, zot ava rankontre bann ansyen ek bann ziz zot lavil, ziska ki lakoler Bondye kont nou konsernan sa zafer, i pase.”

Psonm 85:4

Bondye nou Sover! Retabli nou. Renons ou lakoler kont nou.

Egzod 32:12

Si ou fer sa, bann Ezipsyen ava dir: I ti annan lentansyon touy zot. Pour sa rezon ki i ti delivre zot, anmenn zot dan montanny e fer zot disparet lo later! Pez ou gran lakoler e renonse fer dimal ou pep.

Ezai 40:2

Avek tandres, koz avek Zerizalenm! Fer li konnen ki son letan lesklavaz in fini; ki son pese in ganny pardonnen; ki SENYER li menm in fer li pey doub pour tou son bann fot.

Ezai 65:10

Saronn pou vin en laplenn kot mouton ava vin manze. Vale Akor, en landrwa kot bef ava vin repoze, pour benefis mon pep ki'n rod mwan.

Lamantasyon 3:53

Zot in zet mwan vivan dan en sitern; zot in saboul mwan avek ros.

Oze 2:15

La, mon pou rann li son plantasyon rezen e fer vale Akor, sa vale maler, vin en laport lespwar. I pou swiv mwan parey dan letan son lazenes, parey lepok ki i ti sorti Lezip.

Oze 2:17

Mon pou fer disparet non Baal dan son labous. Zot pa pou mansyonn sa non ankor.

Zoel 2:13

Pa desir zot lenz, me plito zot leker. Retourn kot SENYER, zot Bondye, akoz i ranpli avek konpasyon ek pitye. I ranpli avek pasyans ek fidelite; i regret bann pinisyon.

Zoel 2:18

Alor, SENYER ti montre son gran zalouzi; i ti pran pitye pour son pep.

Zonas 1:15

Alor, zot ti pran Zonas e zet li dan lanmer. Deswit tanpet ti arete.

Zakari 6:8

Apre sa, lanz ti kriy avek mwan: Gete! Bann seval ki pe al dan Nor pei in met mon lespri anpe dan sa rezyon.

Nonm 25:8

swiv sa zonm ziska dan son latant e pers sa Izraelit ek sa fanm dan bavant. Apre sa, fleo ti arete parmi pep Izrael.

Deterononm 13:17

Pa gard okenn piyaz lager, sankwa SENYER pa ankoler kont ou. I ava pran pitye pour ou e dan son konpasyon, i ava fer ou vin nonbre parey i ti fer serman avek ou bann zanset.

Deterononm 13:18

SENYER ava fer sa, si ou obei lalwa SENYER, ou Bondye, e gard son bann komannman ki mon pe ordonn ou ozordi, e si ou fer sa ki drwat pour SENYER, ou Bondye.

Zozye 10:27

Soley kouse, Zozye ti donn lord fer desann zot kadav. Zot ti ganny zete dan sa menm kavern kot zot ti'n al kasyet. Zot ti plas bann gro ros devan lantre kavern. Zot ankor la ziska ozordi.

Zozye 7:24

Zozye ek tou bann Izraelit, ti pran Akan, garson Zera, larzan, manto ek lengo lor. Zot ti osi pran son bann garson, son bann fiy, tou son bef, bourik, son kabri, son latant avek tou sa ki i ti posede. Alor, bann Izraelit ek Zozye ti anmenn tousala dan vale Akor.

Zozye 8:29

I ti pann lerwa Ai avek en pye dibwa pandan tou lazournen. Soley kouse, Zozye ti donn lord fer desann son kadav ki ti anpandan lo pye dibwa e zet li devan laport lavil. Zot ti kouver li avek en gro ta ros, ki touzour egziste.