Zozye 6:17 - Labib An Kreol Seselwa

¹⁷ Me lavil avek tou sa ki ladan, i devre ganny detri pour SENYER. Zis Rahab, sa prostitye, tou son fanmir ki kot li, e tou sa ki i posede, ava ganny eparnyen, akoz i ti kasyet bann mesaze ki nou ti'n anvoye.

Zozye 6:17 ပူးပေါင်းရင်းမြစ်များ

Zenez 12:3

Mon pou beni bann ki beni ou; mon pou modi bann ki modi ou. Atraver ou, tou fanmir lo later pou ganny beni.”

Esdras 10:8

Dapre lord bann sef ek bann ansyen, sa enn ki pa vini dan trwa zour, son propriyete pou ganny konfiske, e li, i pou ganny pouse dan kominote bann deporte.

Ezai 34:6

Lepe SENYER i kouver avek disan e avek lagres; avek disan bann zenn mouton ek bann bouk; avek lagres ronnyon bann mouton. SENYER in ofer en sakrifis dan Bosra; en masak terib dan pei Edonm.

Zeremi 46:10

Sa zour, i zour Senyer BONDYE liniver: Sa zour, i en zour revanz. Sa zour, i pou pini son bann lennmi. Lepe, parey en mons pe devor zot avek gran lapeti, e bwar zot disan ziska ler i sou. Ozordi, dan Nor, obor larivyer Efrat, sakrifis pe ganny ofer an loner Senyer BONDYE liniver.

Ezekyel 39:17

Senyer BONDYE ti deklare: Kanta ou imen, apel tou bann zwazo ek zannimo sovaz. Dir zot pour mwan: Rasanble zot! Sorti dan tou kote, rasanble pour partisip dan sakrifis ki mon pe prepare pour zot. Sa i pou en gran sakrifis ki mon pou ofer pour zot lo bann montanny Izrael. Zot ava manz lavyann e bwar disan.

Levitik 27:21

Ler sa morso later ava ganny libere dan lannen zibile, i ava vin sakre pour SENYER e propriyete bann pret, koman en morso later ki'n ganny konsakre an loner SENYER pour touzour.

Mise 4:13

Zabitan Zerizalenm! Leve, al bat dible. Mon pou fer ou osi for ki en bef avek korn an fer, e sabo an bronz. Ou ava kas an morso bokou nasyon. Bann larises ki ou pran, ava ganny rezerve pour mwan, mwan SENYER, met liniver antye.

Matye 25:40

Lerwa pou reponn zot: Mon dir zot, sa i laverite: Sak fwa ki zot ti fer sa, pour enn bann pli pti parmi mon bann frer, se anver mwan, ki zot ti fer li!

1 Korentyen 16:22

Si en dimoun i pa kontan Senyer, i pou ganny modi. Maranata! Nou Senyer pe retournen!

1 Korentyen 2:7

Mon pe anons lasazes sekre Bondye ki'n kasyet pour zonm. Depi avan kreasyon lemonn, Bondye ti'n deza swazir sa lasazes pour fer nou partisip dan son laglwar.

Galat 3:10

Me tou dimoun ki kont lo lobeisans Lalwa, zot anba malediksyon. Annefe, Lekritir i deklare: Modi sa enn ki pa gard tou sa ki'n ekri dan sa liv Lalwa, e pa met li an pratik.

Galat 3:12

Me Lalwa napa nanryen pour fer avek lafwa. O kontrer, parey Lekritir i osi deklare: Sa enn ki met an pratik lalwa, pou viv par lalwa.

Deterononm 20:17

Hitit, Amorit, Kananeen, Perizit, Hivit, Zebizit, ou pou detri zot tou, parey SENYER, ou Bondye in ordonn ou.

Ebre 11:31

Par lafwa, Rahab, sa prostitye, pa ti ganny detri avek bann lennmi Bondye, akoz i ti'n byen akeyir bann espyon.

Ebre 6:10

Bondye pa enzis. I pa pou oubliy travay ki zot in fer, ni lanmour ki zot in montre pour li par servis ki zot in rann e pe kontinyen rann anver lezot kretyen.

Let Zak 2:25

Demenm, Rahab, sa prostitye ti ganny rekonnet koman zis devan Bondye par son bann aksyon. I ti resevwar bann mesaze ki i ti ede e fer zot pran en lot semen.

Zozye 2:1

Apre, Zozye, garson Noun, ti anvoy an sekre depi Sitim, de zonm koman espyon. I ti dir zot, “Al eksplor pei, ek lavil Zeriko.” Alor, zot ti ale e zot ti pas lannwit dan lakaz en prostitye ki ti apel Rahab.

Zozye 2:22

Zot ti ale e ariv dan montanny kot zot ti reste trwa zour, ziska ler bann ki ti pe pourswiv zot, ti retournen. Bann ki ti pe pourswiv zot, ti'n rod zot partou kot zot ti'n ale, me zot pa ti war nanryen.

Zozye 7:1

Bann Izraelit ti komet en pese grav konsernan bann lobze ki SENYER ti'n defann pran: Akan, garson Karmi, garson Zabdi, garson Zera, ki sorti dan tribi Zida ti'n pran serten sa bann lobze ki ti devre ganny detri. Alor, SENYER ti ankoler kont pep Izrael.

1 Samyel 15:3

Aprezan, al atak Amalek e detri konpletman tou sa ki i annan; ou pa pou eparny li; ou ava touy zonm ek fanm, zanfan ek pti baba, bef, mouton ek kabri, samo ek bourik.”

1 Samyel 15:6

Sail ti dir avek bann Kenit, “Ale! Pa reste kot bann Amalesit, pour ki mon pa detri zot ansanm, akoz zot in fidel avek tou bann Izraelit ler zot ti sorti Lezip.” Alor, bann Kenit ti reste lwen avek bann Amalesit.