Zozye 5:6 - Labib An Kreol Seselwa

⁶ Annefe, pep Izrael ti'n mars pandan 40 an dan dezer, ziska ki tou sa nasyon ti'n disparet, bann gerye ki ti'n sorti Lezip ki pa ti'n ekout SENYER. SENYER ti'n fer serman ki sa bann zonm pa pou war sa pei ki i ti'n promet avek zot bann zanset pour donn nou, sa pei kot dile ek dimyel i koule.

Zozye 5:6 ပူးပေါင်းရင်းမြစ်များ

Psonm 107:4

I annan ki ti egare dan dezer, san trouv en semen ki ti ava kondwir zot dan en lavil abite.

Egzod 3:17

Alor, mon ti dir: Mon pou fer zot sorti Lezip kot zot pe soufer e anmenn zot dan pei bann Kananeen, bann Hitit, bann Amorit, bann Perizit, sa pei kot dile ek dimyel i koule.

Egzod 3:8

Mon'n desann pour delivre zot dan lanmen bann Ezipsyen e fer zot sorti depi sa pei, ver sa bon pei ki gran, en pei kot dile ek dimyel i koule. Sa landrwa i kot bann Kananeen, bann Hitit, bann Amorit, bann Perizit, bann Hivit e bann Zebizit i reste.

Zeremi 2:2

al proklanm sa mesaz avek tou bann zabitan Zerizalenm. La sa ki SENYER i deklare: Mon rapel byen koman zot ti reste fidel anver mwan kan zot ti zenn; koman zot ti kontan mwan kan nou ti'n fek marye. Zot ti swiv mwan dan dezer, dan en pei kot zonm pa senmen.

Ezekyel 20:15

Mon ti osi fer en serman avek zot dan dezer, pour pa pou anmenn zot dan sa pei ki mon ti'n donn zot, sa pli merveye pei kot i annan dile ek dimyel annabondans.

Ezekyel 20:6

Sa zour, mon ti fer en promes solannel, ki mon pou tir zot dan sa pei Lezip e anmenn zot dan sa pei pli merveye ki mon'n swazir pour zot, kot i annan dile ek dimyel annabondans.

Zoel 3:18

Sa zour, diven ek dile pou koule sorti lo montanny. Delo pou koule dan tou bann larivyer dan Zida. En sours pou sorti dan tanp SENYER; i pou aroz bann landrwa sek.

Nonm 14:23

mon promet ki personn parmi zot pa pou war sa pei ki mon ti promet zot zanset par en serman.

Nonm 26:63

Tou sa bann klan ti ganny resanse par Moiz ek Eleazar dan laplenn Moab, obor larivyer Zourden, vizavi Zeriko.

Deterononm 1:3

Me 40 an, apre sorti Lezip, premye zour, onzyenm mwan, Moiz ti koz avek bann Izraelit sa ki SENYER ti'n ordonn li.

Deterononm 2:14

Ti pran nou 38 an pour vwayaz depi Kades Barnea, ziska nou ti travers larivyer Zered. Dan sa letan, tou zenerasyon bann gerye ti'n mor, parey SENYER ti'n predir.

Deterononm 2:7

SENYER, ou Bondye in beni ou dan tou sa ki ou'n antreprann. In vey lo ou semen dan sa gran dezer. Pandan 40 an, SENYER, ou Bondye ti avek ou; ou pa'n mank nanryen.

Deterononm 8:4

Pandan sa 40 an, ou lenz pa ti ize lo ou, ni ou lipye pa ti anfle.

Ebre 3:11

Dan mon lakoler, mon ti fer sa serman: Zot pa pou antre dan mon repo.

Zozye 1:6

Reste for e pran kouraz, akoz ou ki pou fer sa pep pran posesyon sa pei ki mon'n promet pour donn zot zanset.

Zozye 24:7

Kan zot ti kriy ver SENYER, i ti met fernwanr ant zot avek bann Ezipsyen; i ti fer lanmer kouver zot. Zot lizye ti war sa ki mon ti fer kont Lezip. Zot ti reste lontan dan dezer.

Zozye 5:5

Tou lepep ki ti'n sorti Lezip ti'n sirkonsi; me bann ki ti ne dan semen, dan dezer, dan semen sorti Lezip, pa ti ankor ganny sirkonsi.

Zozye 5:7

Se sa zenn zenerasyon, ki pa ti ankor ganny sirkonsi, ki Zozye ti sirkonsi. Annefe, zot pa ti'n ganny sirkonsi, akoz zot pa ti'n ganny sirkonsi pandan ki zot ti dan semen.