Zozye 4:13 - Labib An Kreol Seselwa

¹³ Anviron 40,000 zonm arme, ti travers larivyer Zourden devan SENYER, pare pour konba. Zot ti al dan direksyon laplenn sek Zeriko.

Zozye 4:13 ပူးပေါင်းရင်းမြစ်များ

2 Rwa 25:5

Me bann gerye Babilonyen ti pourswiv lerwa Sedesyas e atrap li dan laplenn pre Zeriko; tou son bann gerye ti'n ganny disperse; zot ti'n abandonn li.

Egzod 13:18

Me Bondye ti diriz zot atraver dezer par lanmer Rouz. Pep Izrael ti sorti Lezip pare pour lager.

Zeremi 39:5

Me bann gerye Babilonyen ti pourswiv zot e atrap Sedesyas dan laplenn pre Zeriko. Zot ti kaptir li e anmenn li Ribla dan teritwar Hamat kot lerwa Naboukodonozor. I ti pas santans kont li.

Zeremi 52:8

Me bann gerye Babilonyen ti pourswiv lerwa Sedesyas e atrap li dan laplenn pre Zeriko; tou son bann gerye ti'n ganny disperse; zot ti'n abandonn li.

Nonm 32:17

Apre sa, nou pou pare pour nou pran zarm pour al lager ansanm avek nou bann frer Izraelit, ziska ki zot ava'n etabli zot. Nou bann dimoun ava pe viv an sekirite dan sa pei.

Efezyen 6:11

Abiy zot dan tou bann zarm batay ki Bondye i donnen, pour zot kapab reziste kont tou bann riz dyab.

Deterononm 3:18

Dan sa letan, mon ti donn zot sa lord: SENYER, zot Bondye in donn zot sa pei pour zot pran posesyon. Tou bann gerye ava pran zot zarm, e travers devan zot bann frer Izraelit.

Zozye 4:12

Bann zonm arme dan tribi Riben ek Gad, e demi tribi Manase ti pas devan pep Izrael, parey Moiz ti'n ordonn zot.

Zozye 4:14

Sa ki SENYER ti fer sa zour, ti fer pep Izrael antye ganny gran respe pour Zozye, parey zot ti respekte Moiz toultan son lavi.

Zozye 5:10

Pep Izrael ti kanpe Gilgal, e la, dan laplenn dezer Zeriko, zot ti selebre Pak aswar, katorzyenm zour sa mwan.

Ziz 20:1

Pep Izrael antye ti sorti e koman en sel zonm, depi Dann ziska Berseba ek Galaad ti rasanble Mispa, devan SENYER.