Zozye 3:3 - Labib An Kreol Seselwa

³ e donn lepep sa lord: Kan zot ava war bann pret-levit pe anmenn Kof Lalyans SENYER, zot Bondye, zot ava kit sa landrwa e swiv zot.

Zozye 3:3 ပူးပေါင်းရင်းမြစ်များ

2 Samyel 6:13

Kan bann ki ti pe anmenn Kof SENYER ti fer sis pa, David ti ofer sakrifis en toro ek en zenn bef gra.

2 Samyel 6:3

Zot ti met Kof lalyans lo en saret nef, e transport li depi kot lakaz Abinadab ki ti lo kolin; Ouza ek Ahio, garson Abinadab, ti kondwir sa saret nef.

1 Rwa 8:3

Tou bann ansyen dan Izrael ti arive avek Kof lalyans ki ti pe ganny anmennen par bann pret.

Zeremi 33:18

Pou touzour annan bann pret ki sorti dan tribi Levi pou ofer bann sakrifis konplet, lofrann vezetal, ek lezot sakrifis.

Nonm 10:33

Alor, lepep ti kit montanny SENYER pour en vwayaz trwa zour apye. Kof Lalyans SENYER ti al devan zot. I ti pran zot trwa zour pour rod en landrwa pour repoze.

Nonm 4:15

Kan zot lev kan, ler Aaron ek son bann garson in fini kouver sanktyer avek tou son bann akseswar, bann garson Keat ava vini pour transport li. Me zot pa devre tous okenn sa bann lobze sakre. Si zot fer sa, zot pou mor. Sa i bann lobze dan Latant Rankont SENYER ki bann garson Keat a bezwen transporte.

Matye 16:24

Apre, Zezi ti dir avek son bann disip, “Si en dimoun i oule swiv mwan, fodre ki i aret mazin son prop lekor. Fodre i pran son lakrwa e swiv mwan.

Matye 8:19

En profeser Lalwa ti apros li. I ti dir li, “Met! Mon pare pour swiv ou partou kot ou ale.”

Deterononm 31:25

i ti donn sa lord bann Levit ki ti pe anmenn Kof Lalyans SENYER. I ti dir:

Deterononm 31:9

Moiz ti ekri sa lalwa e donn avek bann pret, bann garson Levi ki ti anmenn Kof Lalyans SENYER e tou bann ansyen dan Izrael.

Zozye 3:4

Zanmen zot in pas isi avan; konmsa zot ava konn semen. Selman, pa aprose; zot ava gard en distans anviron en kilomet deryer.

Zozye 3:6

Zozye ti dir bann pret, “Pran Kof lalyans e pas devan lepep.” Zot ti pran Kof lalyans e zot ti mars devan lepep.

Zozye 3:8

Ou ki pou donn sa lord bann pret ki anmenn Kof lalyans: Ler zot ava ariv obor larivyer Zourden, zot ava reste debout dan larivyer.”

Zozye 4:10

Bann pret ki ti pe anmenn Kof lalyans ti reste debout dan milye Larivyer Zourden, ziska ki tou sa ki SENYER ti'n ordonn Zozye pou dir lepep, ti'n ganny egzekite e parey sa ki Moiz ti'n ordonn Zozye.

Zozye 6:6

Zozye, garson Noun, ti konvok bann pret. I ti dir zot, “Pran Kof lalyans. Set pret ava anmenn set tronpet korn bouk devan Kof Lalyans SENYER.”

Revelasyon 14:4

Se sa bann ki pa'n sali zot avek bann fanm akoz zot ankor vyerz. Zot swiv Zenn Mouton partou kot i ale. Zot in ganny reaste parmi bann zonm pour ganny ofer koman bann premye fri devan Bondye e devan Zenn Mouton.

1 Samyel 6:15

Bann levit ti pran Kof SENYER ek sa kes ki ti akote e ki ti annan bann lobze annor e depoz lo sa gro ros. Sa zour, bann zabitan Bet-Semes ti ofer bann sakrifis konplet ek lezot sakrifis, devan SENYER.