Zozye 24:20 - Labib An Kreol Seselwa

²⁰ Si zot abandonn SENYER pour al servi bann bondye etranze, i pou vire kont zot; i pou fer zot dimal e detri zot apre ki i'n fer zot dibyen.”

Zozye 24:20 ပူးပေါင်းရင်းမြစ်များ

1 Kronik 28:8

Alor, devan pep Izrael antye, devan lasanble SENYER, e dan prezans nou Bondye, obzerv fidelman e met an pratik tou bann komannman SENYER ou Bondye. Konmsa, zot ava kapab pran posesyon sa bon pei e donn li koman patrimwann zot bann zanfan apre zot, pour touzour.

1 Kronik 28:9

Kanta ou, mon garson Salomon, konn Bondye ou papa. Servi li avek tou ou lespri e avek tou ou leker; akoz SENYER i konsider sak lentelizans e i konn tou proze e tou sa ki ou mazinen. Si ou rod li, ou pou trouv li; me si ou oubliy li, i pou abandonn ou pour touzour.

2 Kronik 15:2

I ti al kot lerwa Asa pour dir li: Asa ek tou pep Zida ek Benzamen! Ekout mwan byen. SENYER i avek zot osi lontan ki zot avek li. Si zot rod li, zot ava trouv li, si zot abandonn li, li osi pou abandonn zot.

Esdras 8:22

Mon ti pou kanmi pour demann lerwa en troup solda pour eskort nou, avek bann kavalye pour protez nou kont lennmi dan nou semen, akoz nou ti'n dir lerwa: Lanmen nou Bondye i avek tou sa ki rod li. Me lafors son lakoler i kont tou bann ki abandonn li.

Psonm 89:31

si zot vyol mon lord, e pa gard mon bann komannman,

Ezai 1:28

Me bann rebel ek bann peser pou ganny detri ansanm; bann ki abandonn SENYER pou ganny pini.

Ezai 63:10

Me zot ti revolte e fer lapenn son lespri sen; alor i ti vin zot lennmi; i ti li menm lager kont zot.

Zeremi 17:13

SENYER! Izrael in met son lespwar dan ou. Tou sa bann ki abandonn ou pou onte. Tou sa bann ki pou pran zot distans avek mwan, ki sours lavi, pou disparet parey en non ki'n ganny ekri dan lapousyer.

Ezekyel 18:24

Me si en dimoun zis i abandonn sa ki byen pour al fer sa ki mal e imit bann malfeter dan zot pratik degoutan, eski i pou viv? Tou bann bon aksyon ki i'n fer pou ganny oubliye. I pou mor, akoz tou son bann pese ek enfidelite ki i'n komet.

Akt de Zapot 7:42

Me Bondye ti tourn ledo kont zot, e les zot ador bann zetwal dan lesyel, parey in ekri dan liv bann profet: Pep Izrael! Eski pour mwan ki zot ti ofer bann sakrifis lape ek sakrifis konplet, pandan 40 an dan dezer?

Deterononm 4:25

Ler ou ava'n etabli ou dan sa pei pour en pe letan ek zanfan ek pti zanfan, pa tonm dan pese pour fer bann stati dan nenport ki laform. Si ou fer sa ki mal devan SENYER, ou Bondye e provok son lakoler,

Deterononm 4:26

ozordi, mon pran lesyel ek later pour temwen kont zot: Zot pou toudswit disparet dan sa pei ki zot pe al pran posesyon ler zot ava'n travers larivyer Zourden.

Ebre 10:38

Me sa enn ki zis, pou viv par lafwa. Mon pa pran plezir avek sa enn ki retourn annaryer.

Zozye 24:21

Lepep ti dir Zozye, “Non! Nou pou servi SENYER.”

1 Samyel 12:15

Me si zot pa ekout lavwa SENYER, si zot revolte kont bann komannman SENYER, SENYER pou tourn kont zot, parey i ti fer kont zot bann zanset.

1 Samyel 12:25

Me si zot fer sa ki mal, i pou detri zot avek zot lerwa.”