Zozye 24:14 - Labib An Kreol Seselwa

¹⁴ Aprezan, annan respe pour SENYER, e servi li senserman e avek fidelite. Detri bann bondye ki zot zanset ti servi ler zot ti lot kote larivyer Efrat e Lezip; servi SENYER.

Zozye 24:14 ပူးပေါင်းရင်းမြစ်များ

Zenez 17:1

Kan Abranm ti annan 99 an, SENYER ti aparet avek li. I ti dir li, “Mwan Bondye Toupwisan; mars touzour dan mon prezans e fer sa ki byen.

Zenez 35:2

Alor, Zakob ti dir avek tou son fanmir e tou sa ki ti avek li, “Rezet tou bann bondye etranze, pirifye zot lekor e sanz zot lenz.

2 Rwa 20:3

“Pitye SENYER! Mon sipliy ou, rapel koman mon ti swiv ou e mars devan ou avek fidelite e avek tou mon leker pour fer sa ki fer ou plezir.” Ezekyas ti pler en kantite.

Esdras 9:11

Nou'n abandonn ou bann komannman ki ou'n donnen par lentermedyer ou bann serviter ou bann profet kan ou ti dir: Sa pei kot ou pe antre pour pran posesyon, i en pei enpir akoz bann pratik degoutan par bann pep ki'n reste la.

Liv Zob 1:1

Dan pei Ous, ti annan en zonm ki ti apel Zob. I ti en zonm zis e drwat. I ti annan gran respe pour Bondye e i ti evite fer sa ki mal.

Liv Zob 28:28

Alor Bondye ti dir avek limanite: Respe pour SENYER, sanmenm sa lasazes. Elwanny ou avek lemal, e ou ava trouv disernman!

Psonm 111:10

Konmansman lasazes i respe anver SENYER. Sa enn ki annan bon zizman i swiv sa. Laglwar SENYER i dire pour touzour.

Psonm 119:1

Byennere sa bann ki annan en konportman san defo e ki mars dapre lalwa SENYER.

Psonm 119:80

Mon pou swiv ou bann regleman avek tou mon leker, pour ki mon pa ganny imilye.

Psonm 130:4

Me pardon i kot ou, e nou ava annan respe pour ou.

Psonm 81:10

Mwan menm SENYER ou Bondye ki ti fer ou sorti dan pei Lezip. Ouver gran ou labous e mon ava donn ou manze.

Ezekyel 20:18

Mon ti dir avek zot bann zanfan dan dezer: Pa obei lalwa zot bann zanset, pa gard zot bann regleman, ni rann zot enpir avek zot bann zidol.

Ezekyel 23:3

Kan zot ti ankor zenn e pe viv Lezip, zot ti tonm dan prostitisyon. Zot ti les zonm tripot avek zot tete e kares zot lekor zenn fiy.

Oze 3:5

Plitar, Izrael ava retourn ver SENYER, zot Bondye e David zot lerwa. An tranblan, zot ava tourn ver SENYER e ver son bonte dan lavenir.

Levitik 17:7

Konmsa, zot ava arete ofer zot sakrifis avek bann bondye dan laform bouk avek ki zot fer prostitisyon. Sa i ava en regleman pour zot, pour tou bann zenerasyon.

Mise 6:8

Ou ki en imen, SENYER in fer ou konnen sa ki byen. La sa ki SENYER i demann ou fer: Respekte lazistis, montre labonte, mars dan limilite avek ou Bondye.

Levanzil dapre Lik 8:15

Bann lagrenn ki tonm dan bon later se bann ki antann Laparol avek en leker onnet e bon; zot gard li e avek perseverans zot prodwir bokou fri.”

Akt de Zapot 9:31

Antretan, Legliz dan Zide, dan Galile e dan Samari antye, ti pe viv anpe. I ti vin solid; i ti devlope, e soumi dan respe pour Senyer; i ti ogmante gras a led Lespri Sen.

2 Korentyen 1:12

La sa ki fer nou fyer: Nou konsyans i dir nou ki nou kondwit dan lemonn, e sirtou anver zot, in avek senplisite ek senserite devan Bondye; non pa avek lasazes imen, me avek lagras Bondye.

Efezyen 6:24

Mon demande ki lagras Bondye ava avek tou bann ki kontan nou Senyer Zezi-Kri avek en lanmour ki pa zanmen sanze.

Deterononm 10:12

Aprezan Izrael! Ekoute ki SENYER, ou Bondye pe demann ou: I demann ou pour annan respe pour SENYER, ou Bondye, swiv son semen, kontan li, servi SENYER, ou Bondye avek tou ou leker e avek ou et antye.

Deterononm 18:13

Ou devre reste touzour lwayal anver SENYER, ou Bondye.

Deterononm 6:13

Ou ava annan respe pour SENYER, ou Bondye e ou ava servi li; ou ava pret serman zis lo son non.

Filipyen 1:10

pour zot kapab disern sa ki byen. Konmsa, zot ava pir e san repros zour retour Kris.

Zozye 24:2

Alor, Zozye ti dir lepep antye: La sa ki SENYER Bondye Izrael i deklare: Zot bann zanset, Tera, papa Abrahanm e papa Nahor, ti reste otrefwa lot kote larivyer, e zot ti ador bann bondye etranze.

Zozye 24:23

I ti dir, “Aprezan, alor, detri bann bondye etranze ki parmi zot, e tourn zot leker ver SENYER, Bondye Izrael.”

1 Samyel 12:14

Si zot respekte SENYER, si zot servi li, si zot ekout li e pa revolte kont bann komannman SENYER, alor zot, avek lerwa ki pe renny lo zot, pou swiv SENYER zot Bondye.

1 Samyel 12:24

Annan respe pour SENYER e servi li senserman avek tou zot leker. Pran kont tou sa bann gran mervey ki i'n fer avek zot.

1 Samyel 7:3

Samyel ti dir pep Izrael antye, “Si zot retourn ver SENYER avek tou zot leker, fer disparet parmi zot tou sa bann bondye etranze, ek bann stati Astarte; si zot donn SENYER zot leker e servi zis li, alor, i ava delivre zot dan lanmen bann Filisten.”