Zozye 23:12 - Labib An Kreol Seselwa

¹² Akoz si zot vir zot ledo kont li, si zot atas zot avek sa bann nasyon ki reste avek zot, si zot al fer lalyans maryaz avek zot, e si zot melanz avek zot,

Zozye 23:12 ပူးပေါင်းရင်းမြစ်များ

Zenez 2:24

Pour sa rezon, en zonm i kit son papa ek son manman pour atas li avek son fanm, e tou le de zot vin en sel laser.

Zenez 34:3

I ti kontan Dina, fiy Zakob e i ti esey ganny son leker.

1 Rwa 11:2

sa bann nasyon ki SENYER ti'n dir avek pep Izrael: Ou pa pou annan okenn relasyon avek zot, ni zot avek ou, akoz zot pou sertennman detourn ou leker, pour al kot zot bondye. Me Salomon ti atase avek zot par lanmour.

1 Rwa 11:4

Annefe, dan lavyeyes Salomon, son bann fanm ti detourn son leker ver lezot bondye, e son leker pa ti antyerman pour SENYER son Bondye, parey leker son papa David.

Psonm 125:5

Me sas bann ki swiv move semen. Lape lo Izrael!

Psonm 36:3

Dan son labous i sorti zis mansonz ek frod; i nepli fer sa ki byen, sa ki saz.

Ezai 1:4

Maler! Nasyon koupab: Pep sarze avek krim, ras ki fer sa ki mal, zanfan koronpi. Zot in abandonn SENYER. Zot in mepriz Bondye Sen Izrael. Zot in tourn zot ledo avek li e zot kontinyen revolte!

Ezekyel 18:24

Me si en dimoun zis i abandonn sa ki byen pour al fer sa ki mal e imit bann malfeter dan zot pratik degoutan, eski i pou viv? Tou bann bon aksyon ki i'n fer pou ganny oubliye. I pou mor, akoz tou son bann pese ek enfidelite ki i'n komet.

Sofoni 1:6

Zot in tourn ledo avek SENYER, e pa'n rod SENYER ni konsilte li.

Matye 12:45

Alor, i al rod set lezot lespri pli move ki li menm. Ansanm, zot antre e viv la. Leta sa dimoun i vin pli move ki avan. Sanmenm sa ki pou arive avek bann move dimoun sa zenerasyon.”

Levanzil dapre Zan 6:66

Apartir sa moman, bokou son bann disip ti dekile e zot ti aret swiv Zezi.

Romen 12:9

Lanmour i devre senser. Deteste sa ki mal e reste atase avek sa ki byen.

Deterononm 6:15

akoz SENYER, ou Bondye ki viv parmi ou, i en Bondye zalou. Lakoler SENYER, ou Bondye i kapab anflanmen kont ou e detri ou lo later.

Deterononm 7:3

Pa fer okenn lalyans par maryaz avek zot. Pa donn ou fiy zot bann garson, ni pran zot fiy pour ou bann garson.

Deterononm 7:4

Sa i ava detourn ou bann zanfan kont mwan pour al servi lezot bondye. Alor, lakoler SENYER ava anflanmen kont zot; i ava detri zot imedyatman.

Zozye 23:11

Fer atansyon! Kontan SENYER, zot Bondye!

1 Zan 2:9

Si en dimoun i dir i dan lalimyer, me i deteste son frer, i ankor dan fernwanr.

Ziz 14:3

Son papa ek son manman ti dir li, “Parmi bann fiy dan ou klan, oubyen dan nou pep, napa en fanm, pour ki ou al rod en fanm parmi bann Filisten, bann ensirkonsi?” Sanmson ti reponn son papa, “Sa fiy ki mon kontan. Demann li an maryaz pour mwan.”

Ziz 3:6

Zot ti marye avek zot bann fiy e marye zot fiy avek zot bann garson; zot ti servi zot bann bondye.