Zozye 21:1 - Labib An Kreol Seselwa

¹ Bann sef bann fanmir tribi Levi, ti vin war pret Eleazar, Zozye, garson Noun, ek bann sef bann fanmir lezot tribi Izrael.

Zozye 21:1 ပူးပေါင်းရင်းမြစ်များ

Zenez 49:7

Modi zot lakoler, akoz i feros e zot move karakter ava osi ganny modi akoz i kriyel; mon pou diviz zot e dispers zot dan pei.

Egzod 6:14

La lalis bann sef fanmir bann Izraelit: Bann garson Riben, premye ne dan Izrael: Henok, Palou, Hesronn, ek Karmi; zot ti klan bann Ribenit.

Egzod 6:25

Eleazar, garson Aaron ti marye avek enn bann fiy Poutiel ki ti donn li en garson: Fineas. Sa ti bann sef fanmir bann levit avek zot bann klan.

Nonm 35:1

SENYER ti koz avek Moiz dan laplenn Moab, obor larivyer Zourden, vizavi Zeriko:

Nonm 35:8

Kantite lavil ki bann tribi pou donn bann levit pou ganny determinen par grander zot teritwar, par propriyete ki zot in gannyen. Sa enn ki'n ganny pli bokou ava donn plis; sa enn ki'n ganny mwens ava donn mwens.

Zozye 14:1

La patrimwann ki pep Izrael ti resevwar dan pei Kanaan. Sa ti bann teritwar ki pret Eleazar, Zozye garson Noun ek sef fanmir dan sak tribi Izraelit ti partaze avek zot:

Zozye 17:4

Zot ti al war pret Eleazar, Zozye garson Noun ek bann sef parmi lepep. Zot ti dir, “SENYER in ordonn Moiz pour donn nou en par teritwar parmi nou bann frer.” Alor, parey SENYER ti'n ordonnen, zot ti resevwar en par parmi bann frer zot papa.

Zozye 19:51

Sa i bann teritwar ki pret Eleazar ek Zozye, garson Noun ek bann sef fanmir tribi Izraelit, ti tir osor devan SENYER, dan lavil Silo, devan lantre Latant Rankont. Konmsa ki zot ti fini partaz pei.