Zozye 2:9 - Labib An Kreol Seselwa

⁹ I ti dir zot, “Mon konnen ki SENYER in donn zot sa pei, e lafreyer in tonm lo nou, e tou zabitan sa pei pe tranble devan zot.

Zozye 2:9 ပူးပေါင်းရင်းမြစ်များ

Zenez 35:5

Pandan ki zot ti pe ale, lafreyer Bondye ti tonm lo bann lavil otour zot, e personn pa ti pourswiv bann garson Zakob.

2 Samyel 17:10

Alor, menm bann ki pli vayan, bann ki kouraze koman en lyon, pou dekouraze, akoz pep Izrael antye i konnen ki ou papa i en gerye, e ki bann vayan gerye ki avek li.

2 Rwa 5:15

Naaman ti retourn kot profet Bondye, ansanm avek tou son lantouraz. Ler i ti'n arive, i ti debout devan li. I ti dir, “Aprezan, mon konnen ki napa okenn Bondye lo later antye, zis dan Izrael. Mon demann ou aksepte sa kado ki sorti kot ou serviter.”

2 Rwa 7:6

Annefe, SENYER ti'n fer larme Siriyen antann tapaz kales lager, tapaz bann seval ek tapaz en gran larme e zot ti'n dir antre zot: Lerwa Izrael in pey bann lerwa Hitit ek bann lerwa Ezipsyen pour zot vin atak nou.

Nehemi 6:16

Kan tou nou bann lennmi ti antann sa, e ki bann nasyon otour nou ti war sa miray, zot ti kanmi. Zot ti rekonnet ki sa travay ti'n ganny realize gras a led nou Bondye.

Ester 8:17

Dan sak provens e dan sak lavil, partou kot lord ek lalwa lerwa ti arive, bann Zwif ti dan lazwa; ti en zour lafet. Bokou parmi lepep dan pei ti deklar zot Zwif, akoz zot ti'n per bann Zwif.

Liv Zob 19:25

Mwan, mon konnen ki mon redanmter i vivan e ki anfen, i pou leve lo sa later.

Psonm 112:10

Malfeter i mekontan ler zot war sa. Zot ankoler e zot grens zot ledan. Lespwar malfeter pou disparet.

Psonm 115:16

Lesyel i pour SENYER, me in donn bann imen later.

Egzod 18:11

Aprezan, mon konnen ki SENYER i pli gran ki tou bann bondye, akoz in delivre son pep dan lanmen bann Ezipsyen ki ti pe maltret zot avek larogans.”

Egzod 23:27

Mon pou anvoy mon lafreyer par devan ou e mon pou senm konfizyon parmi tou bann nasyon kot ou pou pase. Mon pou fer ou bann lennmi sove devan ou.

Eklezyas 8:12

En malfeter i kapab mal azir plis ki 100 fwa e viv lontan. Me mon konnen ki i annan boner pour sa ki annan respe pour Bondye.

Ezai 19:1

En mesaz konsernan Lezip: Gete! SENYER in mont lo en nyaz rapid. I pe vin Lezip. Bann zidol dan Lezip pou tranble devan li; bann Ezipsyen pou paralize e zot pou perdi kouraz.

Ezai 23:5

Kan Lezip pou aprann nouvel ki'n arive avek Tir, i pou tranble.

Zeremi 27:5

Mwan ki'n kre later, zonm ek bann zannimo ki viv lo later. Tou sa ki mon'n kree avek mon lafors e mon savwar fer, mon partaz li avek sa ki fer mwan plezir.

Nahoum 2:10

Tou in ganny vole; tou in kase; tou in ganny kraze! Bann leker in perdi kouraz, zenou i tranble, lafors in afebli, bann figir in vin pal!

Nonm 20:14

Depi Kades, Moiz ti anvoy bann mesaze kot lerwa Edonm pour dir li: La sa ki ou bann frer Izrael i dir: Ou'n antann tou mizer ek difikilte ki nou'n pas ladan.

Nonm 20:24

Aaron pe al mor; i pa pou antre dan pei ki mon'n promet zot. Tou le de, zot ti revolte kont mwan konsernan delo Meriba.

Matye 20:15

Eski mon napa drwa fer sa ki mon oule avek mon prop larzan? Oubyen, eski ou zalou, akoz mon bon?”

Deterononm 11:25

Personn pa pou kapab afront zot. Parey in promet zot, SENYER, zot Bondye ava senm laper ek lafreyer dan tou pei kot zot ava poz zot lipye.

Deterononm 2:25

Apartir ozordi, mon pou fer tou bann pep lo later, per ou. Ler zot ava antann koz lo ou, zot ava tranble avek lafreyer akoz ou.

Deterononm 28:10

Tou bann pep lo later ava war ki ou en pep konsakre pour SENYER e zot ava per ou.

Deterononm 32:8

Kan Bondye Treo ti donn bann nasyon zot patrimwann, kan i ti separ bann imen, i ti fikse teritwar bann pep; i ti plas sak pep anba lotorite en et seles.

Ebre 11:31

Par lafwa, Rahab, sa prostitye, pa ti ganny detri avek bann lennmi Bondye, akoz i ti'n byen akeyir bann espyon.

Zozye 2:11

De ki nou ti aprann sa nouvel, nou ti perdi kouraz, nou lebra ti tonbe akoz zot. Annefe, SENYER, zot Bondye i sa Bondye lao dan lesyel, e anba lo later.

Zozye 2:24

Zot ti dir Zozye, “Nou asire ki SENYER in donn nou sa pei. Tou bann zabitan pe tranble devan nou.”

Zozye 2:8

Avan ki bann espyon ti al dormi, Rahab ti mont lo twa son lakaz.

Zozye 5:1

Kan tou bann lerwa Amorit ki ti reste dan Was, lot kote larivyer Zourden, ek tou bann lerwa Kananeen ki ti reste lo bor lanmer Mediterane ti'n tande ki SENYER ti'n fer sek delo larivyer Zourden, ziska ki bann Izraelit ti'n fini traverse, zot ti per e perdi kouraz devan pep Izrael.

Zozye 6:2

SENYER ti dir Zozye, “Gete! Mon'n livre Zeriko dan ou lanmen, son lerwa ek son bann vayan gerye.

Zozye 9:10

tou sa ki i'n fer sa de lerwa Amorit Sihonn lerwa Hesbonn e Og lerwa Basann, ki ti reste Astarot, dan Les larivyer Zourden.

Zozye 9:24

Zot ti reponn Zozye, “Nou ti'n aprann ki SENYER, ou Bondye in ordonn son serviter Moiz pour donn zot tou sa pei e ki zot pou touy tou bann zabitan sa pei. Nou ti per zot. Se pour sa rezon ki nou ti azir dan sa fason.

Zozye 9:9

Zot ti dir li, “Nou ou bann serviter, nou sorti dan en pei tre lwen. Akoz non SENYER, zot Bondye, ki nou'n antann koz lo li ek tou sa ki i'n fer Lezip,

Ziz 7:14

Son zanmi ti reponn, “Sa pa lot ki lepe Zedeon, garson Zoas, sa Izraelit. Bondye in livre dan son lanmen, bann Madianit ek kanpman antye.”