Zozye 2:12 - Labib An Kreol Seselwa

¹² Aprezan ki mon'n tret zot avek lwayote, fer serman avek mwan devan SENYER, ki zot pou tret mon fanmir avek bonte. Donn mwan en siny pour ki mon ava kapab fer zot konfyans.

Zozye 2:12 ပူးပေါင်းရင်းမြစ်များ

Zenez 21:23

Promet mwan par en serman devan Bondye ki ou pa pou tronp ni mwan, ni mon bann zanfan, ni mon desandans. Parey mon'n byen azir anver ou, ou osi ou pou byen azir anver mwan e anver sa pei kot ou pe reste.”

Zenez 24:3

Fer serman lo non mon SENYER, Bondye lesyel ek later, ki ou pa pou fer mon garson marye avek enn bann fiy Kananeen kot mon pe reste.

Zenez 24:9

Alor, sa serviter ti met son lanmen anba kwis Abrahanm son met, e fer en serman lo sa size.

Zenez 40:14

Mazin mwan kan ou pou dan byen. Mon demann ou mansyonn mwan; ganny labonte koz avek Faraon pour mwan e fer mwan sorti dan sa prizon.

2 Kronik 36:13

Sedesyas ti revolte osi kont lerwa Naboukodonozor ki ti'n fer li pret serman lo non SENYER. Olye retourn ver SENYER, Bondye Izrael, i ti montre li retif e antete.

Ester 8:6

Koman mon kapab siporte ki en tel maler i tonm lo mon pep? Ki mannyer mon kapab war destriksyon mon fanmir?”

Egzod 12:13

Sa disan ava en siny lo bann lakaz pou montre kot zot ete. Ler mon pou war sa disan, mon pou pas par lao zot e sa fleo pa pou detri zot kan mon pou pini Lezip.

Zeremi 12:16

Si zot senserman aksepte pour viv parey mon pep, si zot pret serman lo non SENYER ki vivan parey zot ti ansenny mon pep fer an loner Baal, alor zot osi, zot ava fer parti mon pep.

Mark 14:44

Zida ki ti pe trai li, ti'n donn zot en siny: Sa enn ki mon pou anbrase, li menm li. Atrap li e anmenn li.

Romen 1:31

Zot napa disernman, zot pa tenir zot promes. Zot leker i dir e san pitye anver kanmarad.

1 Timote 5:8

Sa enn ki pa pran swen son parante, sirtou son prop fanmir pros, i'n abandonn lafwa; i pir ki en non-krwayan.

Let Zak 2:13

Annefe, Bondye pou san pitye kan i pou ziz sa enn ki pa'n pran pitye pour lezot. Me sa enn ki annan pitye, napa nanryen pour li per zizman.

Zozye 2:13

Promet mwan ki zot pou eparny mon papa, mon manman, mon bann frer, mon bann ser, e tou sa ki zot annan; e pa les nou ganny touye!”

Zozye 2:18

si ler nou anvai pei, ou atas sa lakord rouz avek sa lafnet kot ou ti fer nou desann. Ou ava osi rasanble ou papa, ou manman, ou bann frer e tou ou fanmir kot ou.

Zozye 2:19

Si enn parmi zot i sorti deor sa lakaz e al lo semen, i pou responsab son prop lanmor e nou, nou ava kit. Me, si okenn dimoun ki dan ou lakaz i ganny atake, alor nou, nou ava responsab.

Zozye 6:22

Zozye ti'n dir sa de zonm ki ti'n al espyonn pei: Antre dan lakaz sa prostitye e fer li sorti avek tou sa ki pour li, dapre serman ki zot ti'n fer avek li.

Zozye 9:15

Zozye ti fer lape e fer en trete avek zot konmkwa i pou gard zot vivan. Bann responsab lakominote ti pret serman.

Ziz 1:24

Zot ti war en zonm sorti dan lavil. Zot ti dir li, “Montre nou semen pour antre dan lavil e nou pa pou fer ou ditor.”

1 Samyel 30:15

David ti demann li, “Eski oule kondwir mwan kot sa troup?” I ti reponn li, “Fer serman devan Bondye, ki ou pa pou fer touy mwan, e ki ou pa pou livre mwan dan lanmen mon met. Alor, mon ava kondwir ou kot sa troup.”