Zozye 2:11 - Labib An Kreol Seselwa

¹¹ De ki nou ti aprann sa nouvel, nou ti perdi kouraz, nou lebra ti tonbe akoz zot. Annefe, SENYER, zot Bondye i sa Bondye lao dan lesyel, e anba lo later.

Zozye 2:11 ပူးပေါင်းရင်းမြစ်များ

1 Rwa 8:60

pour ki tou pep lo later i rekonnet ki SENYER i Bondye, e ki napa en lot.

2 Rwa 5:15

Naaman ti retourn kot profet Bondye, ansanm avek tou son lantouraz. Ler i ti'n arive, i ti debout devan li. I ti dir, “Aprezan, mon konnen ki napa okenn Bondye lo later antye, zis dan Izrael. Mon demann ou aksepte sa kado ki sorti kot ou serviter.”

Nehemi 6:16

Kan tou nou bann lennmi ti antann sa, e ki bann nasyon otour nou ti war sa miray, zot ti kanmi. Zot ti rekonnet ki sa travay ti'n ganny realize gras a led nou Bondye.

Ester 8:17

Dan sak provens e dan sak lavil, partou kot lord ek lalwa lerwa ti arive, bann Zwif ti dan lazwa; ti en zour lafet. Bokou parmi lepep dan pei ti deklar zot Zwif, akoz zot ti'n per bann Zwif.

Psonm 102:15

Bann nasyon pou annan respe pour non SENYER; tou bann lerwa lo later pou respekte son laglwar.

Psonm 22:14

Mon lafors in koule parey delo; tou mon bann lezo in large. Parey lasir, mon leker i fonn dan mon pwatrin.

Psonm 58:7

Fer zot disparet parey delo ki koule! Parey zerb, zot ava ganny kraze anba lipye e fletri.

Psonm 83:18

Konmsa, zot ava konnen ki ou menm sel SENYER, Bondye Treo, lo later antye.

Egzod 15:14

Bann pep in tande, zot tranble; douler lakousman in sezi bann Filisten.

Egzod 15:15

Bann sef Edonm i boulverse. Bann dirizan Moab i tranble. Tou zabitan Kanaan in perdi kouraz.

Ezai 13:7

Pour sa rezon, tou lebra pou tonbe, tou dimoun pou tonm dan dekourazman.

Ezai 19:1

En mesaz konsernan Lezip: Gete! SENYER in mont lo en nyaz rapid. I pe vin Lezip. Bann zidol dan Lezip pou tranble devan li; bann Ezipsyen pou paralize e zot pou perdi kouraz.

Ezekyel 21:15

I pou fer perdi kouraz, e fer dimoun tranble. Devan sak laport, mon pou plas lepe pour masakre. I klate koman zekler, i touzour pare pour touye.

Nahoum 2:10

Tou in ganny vole; tou in kase; tou in ganny kraze! Bann leker in perdi kouraz, zenou i tranble, lafors in afebli, bann figir in vin pal!

Deterononm 1:28

Kote nou pe ale? Nou bann frer in dekouraz nou. Zot ti dir nou ki sa pep i pli for e pli gran ki nou; bann lavil i gran e bann fortifikasyon i monte ziska lesyel; ki zot in menm war bann desandan zean.

Deterononm 20:8

Bann zofisye ava kontinyen adres bann troup. Zot ava demande: Eski i annan ki per oubyen ki napa kouraz? I devre retourn kot li, akoz i riske dekouraz son bann kanmarad.

Deterononm 4:39

Ozordi alor, rekonnet e medit dan ou leker ki SENYER i Bondye lao dan lesyel e anba lo later, e ki napa okenn lot bondye apard li.

Zozye 14:8

Mon bann frer ki ti'n mont avek mwan ti dekouraz lepep. Me mwan, mon ti obei SENYER, nou Bondye avek tou mon leker.

Zozye 2:24

Zot ti dir Zozye, “Nou asire ki SENYER in donn nou sa pei. Tou bann zabitan pe tranble devan nou.”

Zozye 5:1

Kan tou bann lerwa Amorit ki ti reste dan Was, lot kote larivyer Zourden, ek tou bann lerwa Kananeen ki ti reste lo bor lanmer Mediterane ti'n tande ki SENYER ti'n fer sek delo larivyer Zourden, ziska ki bann Izraelit ti'n fini traverse, zot ti per e perdi kouraz devan pep Izrael.

Zozye 7:5

Bann zonm Ai ti touy anviron 36 Izraelit. Zot ti pourswiv zot depi laport lavil ziska Sebarim, e bat zot an desandan. Bann Izraelit ti perdi kouraz, zot leker ti fonn.

Zozye 9:24

Zot ti reponn Zozye, “Nou ti'n aprann ki SENYER, ou Bondye in ordonn son serviter Moiz pour donn zot tou sa pei e ki zot pou touy tou bann zabitan sa pei. Nou ti per zot. Se pour sa rezon ki nou ti azir dan sa fason.

Revelasyon 6:16

Zot ti dir avek montanny ek bann kap ros: Tonm lo nou, e kasyet nou lwen avek lafas sa enn ki pe asize lo tronn e lwen avek lakoler Zenn Mouton.