Zozye 18:6 - Labib An Kreol Seselwa

⁶ Zot ava fer en deskripsyon sa set par e zot ava anmenn isi kot mwan. Alor, an prezans SENYER, nou Bondye, mon ava tir osor pour determin zot par.

Zozye 18:6 ပူးပေါင်းရင်းမြစ်များ

Psonm 105:11

I ti dir: Mon pou donn ou pei Kanaan, koman en patrimwann.

Proverb 16:33

Tiraz osor i fer dan en sak; me zis SENYER ki pran desizyon.

Proverb 18:18

Tiraz osor i aret dispit; i desid ant bann group pwisan.

Nonm 33:54

Zot ava partaz pei par tiraz osor, dapre sak klan. Partaz later dapre grander sak tribi. En gran morso later pour sa ki pli gran, en pli pti morso pour sa ki pli pti. Fer partaz dapre rezilta resansman.

Nonm 34:13

Moiz ti transmet sa lord avek bann Izraelit: Sa i pei ki SENYER in donn sa nef tribi ek sa demi tribi, par tiraz osor.

Akt de Zapot 13:19

Apre ki i ti'n detri set nasyon dan pei Kanaan, i ti donn zot sa pei koman en posesyon.

Zozye 14:2

Distribisyon par teritwar ti ganny fer par tiraz osor, parey SENYER ti'n ordonn Moiz pour fer pour sa nef tribi e pour sa demi tribi.

Zozye 18:10

Zozye ti tir osor bann par pour zot dan prezans SENYER. La, Zozye ti partaz later parmi pep Izrael, dapre sa ki sakenn i devre gannyen.

Zozye 18:7

Bann desandan Levi pa pou resevwar okenn par later; zot par i dan servis SENYER koman pret. Tribi Gad ek Riben, ensi ki demi tribi Manase, in deza resevwar zot teritwar dan Les larivyer Zourden. Moiz, serviter SENYER, ki ti donn zot.”

Zozye 18:8

Alor, bann zonm ti ale. Zozye ti dir sa bann ki ti pe al eksplor pei, “Ale! Fer letour pei e anmenn en bon deskripsyon kot mwan. Apre, mon ava tir osor pour determin zot par, isi Silo, dan prezans SENYER.”