Zozye 18:16 - Labib An Kreol Seselwa

¹⁶ Depi la, frontyer ti desann obor lipye montanny ki domin vale Hinonm, Nor avek laplenn bann Refait; i ti answit desann dan vale Hinonm, lo lapant Sid avek montanny bann Zebizit, e desann ziska Enn-Rogel.

Zozye 18:16 ပူးပေါင်းရင်းမြစ်များ

2 Samyel 17:17

Zonatan ek Ahimas ti pe espere pre kot sours Blansiser. En servant ti pe al fer zot en rapor e zot menm, zot ti pe al fer en rapor avek lerwa David. Annefe, zot pa ti oze les dimoun war zot, ler zot ti pe antre dan lavil.

2 Samyel 5:18

Bann Filisten ti arive e pran zot pozisyon dan vale Refaim.

1 Rwa 1:9

Adoniya ti ofer sakrifis mouton, toro, zenn bef gra, pre kot ros Zohelet ki akote sours Rogel. I ti envit son bann frer, bann garson lerwa, ek bann zonm enportan dan servis lerwa dan rwayonm Zida.

2 Rwa 23:10

Lerwa ti rann enpir Tofet ki dan laplenn bann garson Hinonm, pour ki personn pa ofer ankor ni son garson, ni son fiy, an sakrifis dan dife pour Molek.

1 Kronik 14:9

Bann Filisten ti arive e zot ti fer dega dan vale Refaim.

2 Kronik 28:3

I ti bril sakrifis dan Vale Inonm e menm bril son bann garson dan dife, koman sakrifis. I ti swiv bann pratik degoutan bann nasyon ki SENYER ti'n pouse pour fer plas pour pep Izrael.

2 Kronik 33:6

I ti ofer son bann garson koman sakrifis dan dife, dan vale Inonm. I ti pratik divinasyon, sorselri, konsilte bann ki predir lavenir ek bann ki envok dimoun mor. Deplizanpli, i ti fer sa ki mal devan SENYER pour fer son lakoler monte.

Ezai 30:33

Sa dife in ganny prepare depi lontan; in ganny prepare pour lerwa. Dan en trou larz e profon, zot in met bokou dibwa an ron. Lalenn SENYER pou alim sa dife, konmsi souf ki pe brile.

Zeremi 19:11

Ou ava dir zot: La sa ki SENYER liniver i deklare: Mon pou kas sa pep ek sa lavil parey ou kas en gargoulet ki pa pou zanmen kapab ganny repare. Dimoun pou anter zot kadav menm dan Tofet, akoz pa pou annan okenn landrwa pour anter zot.

Zeremi 19:2

Sorti e al dan kote vale Ben Hinonm ki dan lantre laport bann Po kase. La, ou ava kriy mesaz ki mon pou donn ou.

Zeremi 19:6

Akoz zot in fer tousala, letan pe vini kan sa plas pou nepli ganny apele Tofet oubyen Vale Ben Hinonm, me Vale Masak.

Zeremi 32:35

Zot in konstri bann landrwa kot zot ador bondye Baal dan vale Benn-Hinonm. Zot fer bril dan dife zot garson ek zot fiy an loner bondye Molek. Zanmen mon ti demann zot fer sa; e zanmen mon ti mazinen ki zot ti ava fer en keksoz parey pour fer Zida komet pese.

Zozye 15:63

Me Tribi Zida pa ti reisi sas bann Zebizit ki ti reste Zerizalenm. Pour sa rezon, bann Zebizit pe viv akote bann fanmir Zida.

Zozye 18:28

Sela, Elef, lavil bann Zebizit, setadir Zerizalenm, Gibea, e Kiryat-Yearim. An tou, 14 lavil avek son bann vilaz. Tousala ti patrimwann bann fanmir Benzamen, dapre zot bann klan.

Ziz 1:21

Me bann Benzamit pa ti kapab sas bann Zebizit ki ti pe reste Zerizalenm. Pour sa rezon ki ziska ozordi, bann Zebizit in reste Zerizalenm avek bann Benzamit.

Ziz 1:8

Bann zonm tribi Zida ti atak Zerizalenm ki zot ti pran. Zot ti masakre bann zabitan e met dife dan lavil.

Ziz 19:10

Me sa zonm pa ti oule pas lannwit la. I ti leve e i ti ale. I ti ariv devan Zebis, setadir Zerizalenm avek son de bourik sarze e avek son menazer.