Zozye 18:12 - Labib An Kreol Seselwa

¹² Son frontyer Nor ti pran depi larivyer Zourden, e mont ver Zeriko dan Nor; apre, i ti kontinyen dan Was atraver bann rezyon montanny ziska dezer Bet-Aven.

Zozye 18:12 ပူးပေါင်းရင်းမြစ်များ

Oze 10:5

Bann zabitan Samari i tranble devan zot zenn bef. Zot pou port dey pour zot zidol e bann pret pou plere pour zot. Zot ava lamante pour laglwar ki'n al annegzil lwen avek zot.

Oze 4:15

Izrael, ou'n tonm dan prostitisyon, pourvi ki Zida pa tonm dan menm fot. Pa bezwen al Gilgal, pa mont Bet-Aven, e pa pronons en serman pour dir: Par SENYER ki vivan.

Oze 5:8

Fer tande korn lager dan Gibea, soufle tronpet dan Rama. Sonn lavertisman dan Bet-Aven get deryer ou, Benzamen.

Zozye 16:1

Teritwar bann fanmir tribi Zozef ti pran depi larivyer Zourden, anfas avek Zeriko, dan direksyon Les, ver sours delo Zeriko. Sa ti dezer ki mont depi Zeriko ver montanny Betel.

Zozye 18:11

Premye tiraz osor pour ganny teritwar, ti al pour Benzamen dapre zot bann fanmir. Zot teritwar ti sitye ant par Zida ek par tribi Zozef.

Zozye 2:1

Apre, Zozye, garson Noun, ti anvoy an sekre depi Sitim, de zonm koman espyon. I ti dir zot, “Al eksplor pei, ek lavil Zeriko.” Alor, zot ti ale e zot ti pas lannwit dan lakaz en prostitye ki ti apel Rahab.

Zozye 3:16

delo ti aret koule, e delo ki pli o ti reste an plas lo en long distans ziska Adan, en lavil ki akote Sartann. Par anba, delo larivyer ki ti pe koul dan direksyon lanmer Araba, lanmer Mor, ti konpletman sek. Alor, lepep ti travers vizavi Zeriko.

Zozye 6:1

Lavil Zeriko ti konpletman fermen devan pep Izrael. Personn pa ti ni antre, ni sorti.

Zozye 7:2

Depi Zeriko, Zozye ti anvoy detrwa zonm dan lavil Ai ki pros avek Bet-Aven, Les ek lavil Betel. I ti dir zot, “Monte, al espyonn sa pei.” Bann zonm ti al espyonn lavil Ai.

Zozye 8:15

Zozye ek Izrael antye ti fer sanblan sove devan zot e tay dan direksyon dezer.

1 Samyel 13:5

Bann Filisten ti rasanble pour konbat Izrael. Zot ti annan 30,000 kales lager, 6,000 kales avek seval, e en gran troup zonm parey gren disab lo bor lanmer. Zot ti etabli zot kan Mikmas, Les avek Bet-Aven.