Zozye 15:7 - Labib An Kreol Seselwa

⁷ Apre, i ti mont ziska Debir an pasan par vale Akor, e al pli dan Nor, lo kote Gilgal, anfas avek kolin Adoumim, Sid avek larivyer. Frontyer ti pas answit pre avek bann sours delo Enn-Semes e debous lo Enn-Rogel.

Zozye 15:7 ပူးပေါင်းရင်းမြစ်များ

2 Samyel 17:17

Zonatan ek Ahimas ti pe espere pre kot sours Blansiser. En servant ti pe al fer zot en rapor e zot menm, zot ti pe al fer en rapor avek lerwa David. Annefe, zot pa ti oze les dimoun war zot, ler zot ti pe antre dan lavil.

1 Rwa 1:9

Adoniya ti ofer sakrifis mouton, toro, zenn bef gra, pre kot ros Zohelet ki akote sours Rogel. I ti envit son bann frer, bann garson lerwa, ek bann zonm enportan dan servis lerwa dan rwayonm Zida.

Ezai 65:10

Saronn pou vin en laplenn kot mouton ava vin manze. Vale Akor, en landrwa kot bef ava vin repoze, pour benefis mon pep ki'n rod mwan.

Oze 2:5

Annefe, zot manman i en prostitye. Sa enn ki'n met zot omonn, i kouver avek laont. I ti dir: Mon pou swiv mon bann galan ki donn mwan mon manze ek mon delo, mon lalenn ek mon latwal linenn, mon delwil ek mon diven.

Zozye 10:43

Apre, Zozye ek tou bann Izraelit ti retourn dan kan, Gilgal.

Zozye 15:15

Depi la, i ti al atak bann zabitan Debir, lavil ki otrefwa ti apel Kiryat-Sefer.

Zozye 15:6

Apre, i ti mont dan direksyon Bet-Hogla e pas Nor avek Bet-Araba, answit mont ziska Ros Bohann, dapre non enn bann garson Riben.

Zozye 18:17

Apre, i ti vir dan direksyon Nor ver Enn-Semes, answit Gelilot, ki anfas semen montanny Adoumim. Answit, i ti desann ver sa landrwa ki apel Ros-Bohann, dapre enn bann garson Riben.

Zozye 4:19

Lepep ti travers larivyer Zourden dizyenm zour premye mwan. Zot ti kanp obor lavil Gilgal, dan Les frontyer Zeriko.

Zozye 7:24

Zozye ek tou bann Izraelit, ti pran Akan, garson Zera, larzan, manto ek lengo lor. Zot ti osi pran son bann garson, son bann fiy, tou son bef, bourik, son kabri, son latant avek tou sa ki i ti posede. Alor, bann Izraelit ek Zozye ti anmenn tousala dan vale Akor.

Zozye 7:26

Zot ti met en gro ta ros lo li, ki ankor la ozordi. Alor, gran lakoler SENYER ti kalme. Pour sa rezon, sa vale i apel: Vale Akor ziska ozordi.