Zozye 15:1 - Labib An Kreol Seselwa

¹ Teritwar ki tribi bann fanmir Zida dapre sak klan ti gannyen, ti pran depi frontyer Edonm ziska dezer Sin, dan fon Sid.

Zozye 15:1 ပူးပေါင်းရင်းမြစ်များ

Zenez 35:23

Bann garson ki i ti ganny avek Lea: Riben, lene, Simeon, Levi, Zida, Isakar, ek Zabilon.

1 Rwa 8:65

Alor, Salomon ti profite pour selebre lafet avek pep Izrael antye ki ti'n rasanble, depi lantre Amat ziska larivyer Lezip. Zot ti fete pandan set zour devan SENYER Bondye.

Ezekyel 47:19

Lo kote Sid, frontyer ava sorti Tamar ziska oazis Meriba Kades. I ava swiv larivyer Lezip ziska lanmer Mediterane. Sa i ava pour kote Sid.

Ezekyel 48:7

Akote par Riben, sorti Les ziska Was, pou vin teritwar Zida.

Nonm 20:16

Nou ti kriye e SENYER in antann nou. I ti anvoy son mesaze pou vin delivre nou Lezip. La aprezan, nou'n ariv Kades, en lavil ki baliz avek ou teritwar.

Mark 3:8

Ti annan osi ki ti sorti Zerizalenm ek Idoume, lo lot kote larivyer Zourden, e dan rezyon Tir ek Sidon. Sa gran lafoul ti vin kot Zezi, akoz zot ti'n antann tou sa ki i ti pe fer.

Deterononm 32:51

Annefe, tou le de, zot ti dezobei mwan devan bann Izraelit pre avek sours Meriba ki Kades dan dezer Sin, ler zot pa ti rekonnet mon sentete parmi bann Izraelit.

Zozye 14:2

Distribisyon par teritwar ti ganny fer par tiraz osor, parey SENYER ti'n ordonn Moiz pour fer pour sa nef tribi e pour sa demi tribi.

Zozye 15:2

Zot frontyer Sid ti pran depi lanmer Mor, vizavi labe ki anfas avek Negev.

Zozye 18:5

Zot ava diviz pei an set teritwar; tribi Zida ava reste dan son teritwar dan Sid, e bann desandan Zozef, dan zot teritwar, dan Nor.