Zozye 10:40 - Labib An Kreol Seselwa

⁴⁰ Zozye ti ganny laviktwar lo sa pei antye ek zot bann lerwa: Rezyon montanny, rezyon Negev, rezyon laplenn, ziska dan bann rezyon anpant. I pa ti les okenn sirvivan. I ti detri tou et vivan, parey SENYER, Bondye Izrael ti'n ordonn li.

Zozye 10:40 ပူးပေါင်းရင်းမြစ်များ

1 Rwa 15:29

Pandan ki i ti lerwa, i ti detri lafanmir Zeroboanm antye. I pa ti les personn trankil, ziska ki i ti'n masakre zot tou, dapre parol ki SENYER ti'n dir par lentermedyer son serviter Ahiya, en Silonit.

Nehemi 9:24

Alor, zot bann desandan ti antre e pran posesyon sa pei. Ou ti livre dan zot lanmen bann Kananeen, zabitan sa pei, avek zot bann lerwa, pour tret zot mannyer zot ti anvi.

Psonm 9:17

Bann malfeter pou al dan lemonn lanmor, parey tou bann nasyon ki oubliy Bondye.

Egzod 34:12

Fer sir ou pa fer okenn lalyans avek bann zabitan sa pei kot ou pe ale. Sa i kapab vin en pyez pour ou.

Nonm 13:17

Moiz ti anvoy zot eksplor pei Kanaan. I ti dir zot: Pran direksyon Nor atraver Negev e mont lo montanny.

Deterononm 1:7

Repran zot semen e antre dan montanny kot bann Amorit e kot zot bann vwazen Kananeen, dan rezyon montanny Sepela, Negev ek rezyon lakot, dan pei bann Kananeen ek Liban, ziska gran larivyer Efrat.

Deterononm 2:34

Nou ti pran tou son bann lavil e dan sak lavil, nou ti detri zonm, fanm ek zanfan. Nou pa ti les en sel sirvivan.

Deterononm 7:24

I pou livre zot bann lerwa; ou ava efas zot non lo later. Personn pa pou reziste devan ou, ziska ki ou'n detri zot tou.

Zozye 10:35

Zot ti kaptir li son menm zour e masakre tou bann zabitan ek tou bann et vivan ki ti annan. Sa zour, i pa ti les okenn sirvivan, parey i ti fer Lakis.

Zozye 10:37

Zot ti pran sa lavil e masakre son bann zabitan, son lerwa, tou lezot lavil ki ti depann lo li e tou bann et vivan dan lavil, parey i ti'n fer Eglonn. I pa ti les okenn sirvivan.

Zozye 10:39

I ti kaptir sa lavil, son lerwa ek tou bann lavil depandan. Zot ti masakre tou bann et vivan ki ti annan. I pa ti les okenn sirvivan. I ti tret Debir ek son lerwa, parey i ti'n tret Hebron, Libna ek zot lerwa.

Zozye 11:16

Alor, Zozye ti kaptir sa pei antye: Montanny Negev antye, Gosenn, laplenn dezer, bann rezyon montanny dan Izrael, dezer dan Sid, avek laplenn obor lanmer.

Zozye 12:8

dan rezyon montanny, dan pei anba, dan laplenn dezer, dan bann vale e dan Negev: Bann Hitit, bann Amorit, bann Kananeen, bann Perizit, bann Hivit e bann Zebizit;

Zozye 18:21

Bann lavil pour bann klan Benzamen ti: Zeriko, Bet-Hogla, Emek-Kesis,

Zozye 6:17

Me lavil avek tou sa ki ladan, i devre ganny detri pour SENYER. Zis Rahab, sa prostitye, tou son fanmir ki kot li, e tou sa ki i posede, ava ganny eparnyen, akoz i ti kasyet bann mesaze ki nou ti'n anvoye.

Zozye 8:2

Ou ava tret Ai ek son lerwa parey ou ti tret Zeriko ek son lerwa. Sepandan, zot ava kapab pran bann byen ki zot ava kaptire, ensi ki bann zannimo. Prepar en latak sirpriz kont lavil, par deryer.”

Zozye 8:27

Dapre lord ki SENYER ti'n donn Zozye, bann Izraelit ti pran pour zot, tou bann piyaz lager, tou bann zannimo e tou sa ki ti annan dan sa lavil.

Zozye 9:24

Zot ti reponn Zozye, “Nou ti'n aprann ki SENYER, ou Bondye in ordonn son serviter Moiz pour donn zot tou sa pei e ki zot pou touy tou bann zabitan sa pei. Nou ti per zot. Se pour sa rezon ki nou ti azir dan sa fason.